Melkahka Kan 119:108-115

¹⁰⁸Maing KAUN, komw ketin kupwure ei kapakap en kapingkalahngan, oh ketin padahkihong ie sapwellimomwi kosonned kan.

¹⁰⁹I kin men tounmeteikihla ei mour; I saikinte manokehla sapwellimomwi kosonnedo.

¹¹⁰Aramas suwed kan kin lidipih ie, ahpw I sohte sapeikiong sapwellimomwi kosonnedo.

¹¹¹I pahn kolokol sapwellimomwi kosonned kan kohkohlahte; pwe iei kaperenpen mohngiongi.

¹¹²I patohwan koasoanedier nan kapehdi me I pahn peikiong sapwellimomwi kosonned kan lao lel rahn me I pahn mehla.

¹¹³I kin kailongki irail kan me kin soaloalopwoatohng komwi, ahpw I wauneki sapwellimomwi kosonnedo.

¹¹⁴Komwi me doarepei oh silepei, I kin koapworopworki sapwellimomwi inou.

¹¹⁵Kumwail me dipan akan, kumwail kohkohweisang ie. I pahn kapwaiada kosonned kan en ei Koht.