Melkahka Kan 119:106-110

¹⁰⁶I pahn kapwaiada ei inou me I pahn kin peikiong sapwellimomwi kaweid pwung kan.

¹⁰⁷Maing KAUN, ei lokolok kan me mwuledek; komw ketin kolokol ei mour, nin duwen me komwi ketin inoukidahr.

¹⁰⁸Maing KAUN, komw ketin kupwure ei kapakap en kapingkalahngan, oh ketin padahkihong ie sapwellimomwi kosonned kan.

¹⁰⁹I kin men tounmeteikihla ei mour; I saikinte manokehla sapwellimomwi kosonnedo.

¹¹⁰Aramas suwed kan kin lidipih ie, ahpw I sohte sapeikiong sapwellimomwi kosonnedo.