Matyu 14

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Gii dokopa yuu yakane isingi akali Etote lenge dokome Jisasame pilyamo lapae dupa sia-pyaa.

²Sepala baanya kalai akali dupa lamaiyoo, “Akali doko Jone Kaimbu Pingi doko. Baa malunya sakatapya dokonya baame kalai pupu lapae dupa pyoo kalyamona,” lea-pyaa.

³Doko wamba Etoteme dapa pia-pyaa: baanya kaiminingi Pilipa etanenge Etotiasa lenge doko baa tondao nyia-pyaa. Dopa piamosa Jone Kaimbu Pingi dokome Etote lamaiyoo, “Embame enda doko tondao nyilino doko kopeta pilinona,” lea-pyaa. Dopa lati siamosa Etoteme Etotiasa lao masetala Etoteme Jone ŋili kendeme anjetala anjingi andaka pyandea-pyaa.

⁵Baame Jone pyao kumasotoo lao masiamoaka doko, Juta endakali dupame potopesana lao masiaminosa dupa paka kayapala kaya-pyaa.

⁶Koto mende Etotenya mandenge gii dokonya akali limbao petamino kaina dokonya Etotiasa wanenge doko lyia-pyaa. Lyiamopa Etoteme auumi kumapala wanaku doko dapa lamaiya-pyaa: “Nambame kiningi etete langilyona, embame opale mende namba-kisa dii lao tee lateno doko nambame kapa pao dyaapona,” lea-pyaa.

⁸Dokopa wanaku dokonya endangi dokome baa pii mende lamaitiamopa dapa lea-pyaa: “Embame Jone Kaimbu Pingi dokonya aiyomba doko kepao pelesanya setapala dasa namba dii!” lea-pyaa.

⁹Dopa leamosa Kiŋi Etote mona kenda kaya-pyaa. Dopa piamoaka doko, wamba baame pii, “Kiningi etete langilyona,” lao leamo dokopi, akali limbao peteamino dupapi lao masetala, “Lelyamo doko baa maiyepa!” lea-pyaa.

¹⁰Dopa latala baame yanda singi mende anjingi andaka pupala Jonenya aiyomba doko kepao nyala pena lea-pyaa.

¹¹Pena lateamopa Jonenya aiyomba doko kepanyetala pelesa mendenya setapala ipao wanaku doko maiya-pyaa. Maitiamopa minao endangi peteasa pea-pyaa.

¹²Dopa petamopa Jonenya disaipele dupa ipupala baa nyoo pao malu piami-pyaa. Malu petala dokopa dupame Jisasa ipao lamaiyami.

¹³Jisasame pii doko sepala, baame yuu doko yakinatala sipi mendenya pituu endakali napalenge yuu mendakaita baa iki pea. Peamopa endakali dupame sepala nyakamanya yuu taono dupa yakinatala baa watao endaki pete kilikili dokonya peami-pyaa.

¹⁴Peaminopa Jisasa netesa pao pyakamatala, endakali kambu andake mende kateamino kandea-pyaa. Kandatala baame dokaita kondome kumapala, dokaitanya endakali yaina pyapae dupa mee jakamaiya-pyaa.

¹⁵Dokopa alemandi baanya disaipele dupame baa kateasa ipupala lao pituu, “Dakaita endakali napalengema lamo dokonya yuu kuilyamona, taono yakane dupanya pao tange nee sambama pena laa!” leami.

¹⁶Dopa leaminopa Jisasame dokaita lamaiyoo, “Daa, dupa napenana, nyakamameaka dokaita nee maiyepa!” lea.

¹⁷Dopa leamopa dupame baa lamaiyoo, “Angenya naimanya nee longo nasilyamo. Betesa yuungi-pipa wapaka lapoma iki silyamona,” leami.

¹⁸Dokopa baame lao pituu, “Dutupa nyoo minao ae ipupa,” lea.

¹⁹Dopa latala baame endakali dupa tanu dupanya petena lea. Petena latala baame betesa yuungi wapaka lapoma pyoo siamo dutupa nyepala, kaiti-kisa kandalyetae katao yaka pilino lea. Dopa latala betesa dutupa konjepala baanya disaipele dupa maiyamopa, dupame endakali dupa mokosoo maiyami.

²⁰Dokaita pitakame nao tiaka kayateaminopa, kakana siamo dupa disaipele dupame nyoo baseketa mandi kingi ita-kisa dee lapomanya mandyuu tumbasiami.

²¹Nee neamino endakali dupa pitaka enda wanepi dupa itaki napyao akali iki taosene yuungipi mendeme neami.

²²Dokopa Jisasame baanya disaipele dupa sipi dokonya pituu endaki pete ongonya yangitena wambao pao katena latala, baame endakali dupa pena lea.

²³Pena latala baa iki loma salanya yuu manda dokonya pea. Pupala yuu kuala epeamopa baa iki dokonya katea-pyaa.

²⁴Dokopa sipi dokonya pituu endaki pete kainasale paanya peaminopa poo andake mende paanya peamino dokaita-kaita lao ipupala, endaki doko buli piamo dokome sipi doko yangi pyasa-pyasa pia.

²⁵Yuu yongalanya pee payamopa Jisasa baa endaki pete ketae dokonya moko katao disaipele dupa peteamino dokonya epea.

²⁶Dupame baa endaki pete ketae dokonya moko katao payamo kandatala etete walu leami. Dopa petala dupame, “Doko timango mende lamo!” lao pakame kumapala ae leami.

²⁷Dopa leaminopa Jisasame dokaita yapa lamaiyoo, “Namba kalyona, nyakama paka nakaenya, mona palyepa!” lea.

²⁸Dokopa Pitame baa lamaiyoo, “Kamongo, embaka tamo kandao doko, embame namba endaki ketae moko katao emba kalyeno dokonya ipu laa,” lea.

²⁹Dopa leamopa Jisasame, “Emba ipu!” lea. Dokopa Pitame sipi doko yakinatala endaki ketae dokonya moko katao Jisasa kateamo dokonya paanya pea.

³⁰Peamoaka doko, baame poo leamo doko kandatala paka kayapala baa endakinya landa pyalanya pia. Dopa petala baame, “Kamongo, embame namba nisa!” lao ae lea.

³¹Dopa leamopa Jisasame yapa pyakamatala Pita minatala lamaiyoo, “Kuki masoo miningi! Aipuma embame mona lapo palyalepe?” lea.

³²Dopa lateamopa sipi dokonya pyakalyiambinopa poo doko yatu lea.

³³Dokopa disaipele sipinya peteamino dupame, “Kiningi etete, emba Gote Ikiningi lamona,” lao tama piami.

³⁴Dokaitame endaki pete dokonya yangi-kaita Genesatete yuu dokonya pao pyakameami.

³⁵Yuu dokaita tange endakali dupame Jisasa lamo lao kandatala, yuu dosa singi dupa pitakanya wai leaminopa yaina pyapae dupa pitaka soo epeami.

³⁶Dopa petala dupame Jisasa kandao, “Yaina pyapae dupame embanya yonge pee ketae pingi londe dokonya puna dosa iki kingimi watandenalena,” lao kyoto joo leami. Dokopa Jisasanya yonge peenya watandeamino endakali dupa pitakanya yaina dupa mee jiami.