1Ana knafina Heroti'a Galili kumate kota kva ne'mo, Jisasi agenke antahiteno,
2eri'za vahe'a zmasmi'no, e'i mono ti frente Joni frinefinti otine, e'ina hu'negu kaguvaza hu hanavea agripina me'ne.
3Hagi Heroti'a, Jonina azerino kina nompi ki rente'ne. Na'ankure nefu Filipi a' Herotias eri'neazanktekure.
4Na'ankure Joni'a anage huno asmi'ne, negafu a'ma rehanre'nanana tra kea hantaginane.
5Ana higeno Heroti'a ahe frinaku hianagi, rama'a vahe kevu mni'nageno kore hu'ne. Na'ankure Jonina mago kasnampa ne' mni'ne hu'za kente'naze.
6Hianagi Herotima ksente kna egeno, Herodias mofa'mo zmuga avo eme reazamo, Herotina tusiza huno azeri muse higeno,
7tusi'za huno avesinteno, agra hanave ke huno huvempa huno, na'anku'ma nantahigenanke'na amne kamigahue huno asmi'ne.
8Nerera'ma amia antahizante ana mofa'mo huno, mono ti frente Joni agenopa kitaginka zompafi eme namio.
9Kini ne'mo'a kamigahue hu'nea kegura keke hianagi, nezama nenaza vahe'mokizmi zmufi huvempa hu'negu, amigahaze huno huzmantene.
10Agra mago'mofo huntegeno kina nompi vigeno, sondia vahe'mo'za Joni agenopa akafri amizageno,
11aseni'a tafepi erinteno, ana mofa'mofo eme amigeno, erino vuno nerera ome ami'ne.
12Anante Joni amage nentaza disaipol vahe'amo'za e'za avufa'a emeri'za, ome asentete'za vu'za Jisasina ana kea ome asmi'naze.
13Heroti'ma Joni ahe'nea naneke Jisasi'a nentahino ana kuma atreno vahe omni'nea ka'ma mopare agrake votifi mrerino vu'ne. Vige'za hakare vea'mo'za nentahi'za maka kumateti eri hantge'za avariri'za mopafi vu'naze.
14Vu'za uhnatizageno, Jisasi'a botifinti takaunereno keana hakare vea nezmageno tusi'za huno asunku hunezmanteno kri eri'namokizmi zmazeri so'e hu'ne.
15Kinaga sege'za, amage nentaza disaipol nagamo'za Jisasinte e'za anage hu'naze, ama vahe omni ka'ma kopi mni'nonkeno, hago hani hu'za nehianki, ama vahe'zga huzmantege'za kumatega vu'za, zmagra'a nesaza ne'zana ome miza seho.
16Hianagi Jisasi'a anage huno zmasmi'ne, Zamagra ovugahazanki nezanku keta zminke'za neho!
17Hige'za, zamagra anage hu'za Jisasina asmi'naze, 5fu'a bretigi, tare nozaki huta ama eri'none hazageno,
18erita eme namiho, huno hige'za eri'za eme ami'naze.
19Ana vahetmina apepate maniho huno nezmasmino, ana 5fu'a bretine, tare nozara erino, monafi ke'nagamuteno negeno, asomu ke huno susu huteno, breti'a korino amage'ma nentaza disaipol naga zamige'za, ana vahetmina zami'ne.
20Makamo'za ana neza nageno zamu hu'ne. Nege'za atrazama'a zogiza 12fu'a ekaeka kupi zogiri avitente'naze.
215 tauseni'a vahe nazamo'za ne'naze, hagi a'nene mofavre'zga ohampri'naze.
22Amage'ma nentaza disaipol naga ame huno huzmanteno, ko botifi mreritma kantu kaziga viho nehuno, anampima mani'naza vahekrerfa huzmantege'za vu'za e'za hu'naze.
23Ana veara huzmantege'za vutageno, Agra agonarega nunamu hunaku mrerino umani'negeno, kinagasegeno Agra'ake anante mni'ne.
24Anama nehigeno, amage'ma nentaza disaipol nagamo'za ti amu'nompi nevzageno, hanave zahoko atigeno timo'a kranto kranto huno boti'a erirukrahe hu'za hu'ne.
25Ana nehigeno kotu afa'za nentegeno, Jisasi'a ana ti avozare ne-egeno,
26amage'ma nentaza disaipol nagamo'za negageno ti avozare ne-ege'za tusi koro nehu'za, amanu hankrore nehu'za koro hu'za krafa hu'naze.
27Hianagi ame huno Jisasi'a anage huno zmasmi'ne, akoheta maniho, ama Nagre, huno higeno,
28Pita'a anage huno asmi'ne, Ra'moka Kagrama mni'nenunka, eno hunka huge'na kagritega va'neno.
29Higeno Knareki eno! higeno Pita'a botifinti uramino ti avozare Jisasintega vu'ne.
30Hianagi tusi'a zaho enerigeno nevifinti koro huno, ana timpi uneramino kezatino, Ramoka nazahuo!
31Higeno Jisasi'a ame huno azana ante'gantu ateno avazu nehuno, anage huno asmi'ne, kagra osi kamentinti hane, Na'a higenka tare kagu kagesa nentahi'ne? huteno,
32Ana botifi marerigeno, zaho'mo amane hu'ne.
33Ana botifi mni'namo'za mono hunente'za, tamage Kagra Anumzamofo mofavre mni'nane hu'za hu'naze.
34Ana timofo kantu kaziga ankenare, Kenesareti mopare vu'naze.
35Ana kumate vahe'mo'za Jisasi e'ne kema nentahiza, kea huzmantageno ana kumamofo tva'onte me'nea kumapi vahe'mo'za kri eri'naza vahera zmavare'za Jisasinte e'naze.
36Kri vahe'mo'za Jisasinku muse hugantonanki tatregeta kena atupaka'are avako hamneno, nehu'za avako hzamokizmi krizamimo'a vgare'ne.
