Matthew 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Imi Jesus Kristus ko taleng usir nononga nunup. Jesus mu David ko gue te tairam, se David mu Abraham ko gue te tairam.

²Abraham ko namar mu Isaac. Se Isaac ko namar mu Jacob. Se Jacob ko namar mu Judah, se ko kuriang saki ago.

³Se Judah ko namar ilagala mu Perez se Zerah. Nunga nunam mu Tamar. Se Perez ko namar mu Hezron. Se Hezron ko namar mu Ram.

⁴Se Ram ko namar mu Amminadab. Se Amminadab ko namar mu Nahshon. Se Nahshon ko namar mu Salmon.

⁵Se Salmon ko namar mu Boaz. Boaz ko nuam mu Rahab. Se Boaz ko namar mu Obed. Obed ko nuam mu Ruth. Se Obed ko namar mu Jesse.

⁶Se Jesse ko namar mu King David. Se David ko namar mu Solomon. Solomon ko nuam mu Bathsheba. Nu Uriah ko nuwus bagaram bare aking David nu tam.

⁷Se Solomon ko namar mu Rehoboam. Se Rehoboam ko namar mu Abijah. Se Abijah ko namar mu Asa.

⁸Se Asa ko namar mu Jehoshaphat. Se Jehoshaphat ko namar mu Jehoram. Se Jehoram ko namar mu Uzziah.

⁹Se Uzziah ko namar mu Jotham. Se Jotham ko namar mu Ahaz. Se Ahaz ko namar mu Hezekiah.

¹⁰Se Hezekiah ko namar mu Manasseh. Se Manasseh ko namar mu Amon. Se Amon ko namar mu Josiah.

¹¹Se Josiah ko namar mu Jeconiah, se ko kuriang saki ago. Se tom mu te Assyria alo taiman Israel alo nunga talipaman arungak Babylon namaman.

¹²Se tom nuna talipara ningi Babylon bagaman ko tom mu te, tai Jesus te bilangaram, mu nunga nunup mu iwita: Se Jeconiah ko namar mu Shealtiel. Se Shealtiel ko namar mu Zerubbabel.

¹³Se Zerubbabel ko namar mu Abiud. Se Abiud ko namar mu Eliakim. Se Eliakim ko namar mu Azor.

¹⁴Se Azor ko namar mu Zadok. Se Zadok ko namar mu Akim. Se Akim ko namar mu Eliud.

¹⁵Se Eliud ko namar mu Eleazar. Se Eleazar ko namar mu Matthan. Se Matthan ko namar mu Jacob.

¹⁶Se Jacob ko namar mu Joseph. Se Joseph mu Maria ko kuari. Se Maria tuagu te Jesus bilangaram. Se ana arusan Kristus masan.

¹⁷Se Abraham ko tom te, tai David ko tom te, mu ko kari gue mu 14. Se David ko tom te, tai tom Israel alo nunga ilu talipi Babylon nongorak namaman, mu ko kari gue mu 14 tala. Se Israel alo Babylon talipara ningi bagaman tom te, tai Kristus te bilangaram, mu ko kari gue mu 14 tala.

¹⁸Jesus Kristus bilangaram ko duap mu iwita. Noko nuam Maria Joseph ilak naukko luan ilu beteman. Bare nuna ilagala nunumi me giman la, Maria numi ko ikiam nu Bur Laili ko sokel te nu kumik ago.

¹⁹Noko kuari Joseph mu kari ningo diram, se nu Maria dolara tuokko me ko kueram. Buta se nu tetela la Maria bitirukko ikiam.

²⁰Nu uwutata ikiwakaso, bare Kaem ko engel bo ipingira te tairam ale maonam, “Joseph, David ko namar, ni Maria ka imet ko toko me nguangerko. Mu awuk, nu Bur Laili ko sokel te kumik ago bagoso.

²¹Nu kuriang kari iluwok se ni nup bitar Jesus meko, mu awuk, nu ko kariimet nunga memek siwurok ale nunga sangaru taukko.

²²Mel suen biya imi maingkala Kari Biya ko prophet kuring te balam wore ko nunguning aratam. Nu iwita balam:

²³“Imet itiwik bo lilim biya, mu tuagu aratuk se kuriang kari iluwokko. Se nuna nup betemon ‘Immanuel’ mamonko.” Nup mu ko nunguning mu “Kaem ana nangarak bagoso”.

²⁴Se Joseph barasam ale Kaem ko engel nu maonam butata beteram ale Maria ko imet ko tam.

²⁵Bare Maria kuriang mena la, Joseph nu ilak katir me taga aniram, mena. Se Maria kuriang kari iluwam, se Joseph nup beteram Jesus i mam.