Matäuj 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹PUK en di kan, me Iejuj Krijtuj, me japwilim en Dawid, me japwilim en Apraam, tapi jan ia.

²Apraam me wiadar Ijaak, a Ijaak me wiadar Iakop, a Iakop me wiadar Iuda o ri a ol akan;

³A Iuda me wiadar Parej i Jara ren Tamar; a Parej me wiadar Ejrom, a Ejrom me wiadar Aram;

⁴A Aram me wiadar Aminadap, a Aminadap me wiadar Naajon, a Naajon me wiadar Jalmon;

⁵A Jalmon me wiadar Poaj ren Raap, a Poaj me wiadar Oped ren Rud, a Oped me wiadar Ieje:

⁶A Ieje me wiadar nanmarki Dawid, a Dawid me wiadar Jalomo ren li odi en Uriaj;

⁷A Jalomo me wiadar Reapeam, a Reapeam me wiadar Apia, a Apia me wiadar Aja;

⁸A Aja me wiadar Iojapat, a Iojapat me wiadar Ioram, a Ioram me wiadar Ujia;

⁹A Ujia me wiadar Iotam, a lotam me wiadar Aaj, a Aaj me wiadar Ijkia;

¹⁰A Ijkia me wiadar Manaje, a Manaje me wiadar Amon, a Amon me wiadar Iojia;

¹¹A lojia me wiadar Iekonia o ri a ol akan ni anjaun arail jalilan Papilon.

¹²Murin arail jalidi nan Papilon Iekonia me wiadar Jealtiel, a Jealtiel me wiadar Jerupapel;

¹³A Jerupapel me wiadar Apiud, a Apiud me wiadar Eliakim, a Eliakim me wiadar Ajor;

¹⁴A Ajor me wiadar Jadok, a Jadok me wiadar Akim, a Akim me wiadar Eliud;

¹⁵A Eliud me wiadar Eliajer, a Eliajer me wiadar Matan, a Matan me wiadar Iakop;

¹⁶A Iakop me wiadar Iojep, me likondeki Maria, me kaipwiedi Iejuj, me maraneki Krijtuj.

¹⁷Di karoj jan ren Apraam lei Dawid me eijokpaieu; a jan Dawid lei arail jalidi nan Papilon di eijokpaieu; a jan arail jalidi nan Papilon lei Krijtuj di eijokpaieu.

¹⁸Nan iet duen Krijtuj a kotin ipwidier: Ni anjau me in a Maria kijin nin on Iojep, a diarokadar, me a lijeanekier Nen jaraui mon ara tu pena.

¹⁹A a warok Iojep ol pun amen, ap jota men kanamenokala i, ap kupukupura, en rir muei jan i.

²⁰A ni a kotin madamadaue duen mepukat, kilan, tounlan en Kaun o pwara don i ni a aliman majani: Iojep nain Dawid koe, der majak, en ale om warok Maria, pwe Nen jaraui me a lijean kidar.

²¹A pan kaipwiedi jeri ol amen, me koe pan ki on mar a Iejuj, pwe a pan dorela japwilim a aramaj akan jan nin dip arail.

²²Mepukat karoj wiauier, pwen pwaida me lokido jan Kaun ren jaukop o, me majani:

²³Kilan jeripein makelekel o pan lijeanda, ap kaipwiedi jeri ol amen, irail ari pan ki on mar a Imanuel; iet wewe: Kot me kotin ieian kitail.

²⁴Iojep lao pirida jan a jaimok, ap kapwaiadar, me tounlan en Kaun o kotin kakalik on i o apapwali a likond.

²⁵A ap jota pweidi re a, lao a kaipwiedier japwilim a mejeni ol, ap kotiki on mar a Iejuj.