Matyu 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Ari ka Yesus Krais asesan diqmo ginan. Yesus in Devit asenlulibta. Teq Devit in Abraham asenlulibta.

²Ari Abraham in Aisak amam. Sa Aisak in Jekob amam. Sa Jekob in Juda amaqbaban nenaq gimam.

³Sa Juda in Peres ama Sera inaq gimam. Giger na ginen anan Tamar. Sa Peres in Hesron amam. Sa Hesron in Ram amam.

⁴Sa Ram in Aminadab amam. Sa Aminadab in Nason amam. Sa Nason in Salmon amam.

⁵Sa Salmon in Bowaz amam. Teq Bowaz anen Rahab. Sa Bowaz in Obet amam. Teq Obet anen Rut. Sa Obet in Jesi amam.

⁶Sa Jesi in Isrel gigo king Devit amam. Teq Devit in Solomon amam. Solomon anen in kwaziqmo mat anan Uriya haqayta na awe iyim osta.

⁷Sa Solomon in Rehobowam amam. Sa Rehobowam in Abiya amam. Sa Abiya in Asa amam.

⁸Sa Asa in Jehosafat amam. Sa Jehosafat in Jehoram amam. Sa Jehoram in Usiya amam.

⁹Sa Usiya in Jotam amam. Sa Jotam in Ahaz amam. Sa Ahaz in Hesekiya amam.

¹⁰Sa Hesekiya in Manase amam. Sa Manase in Emon amam. Sa Emon in Josaya amam.

¹¹Sa Josaya in Jekonaya amaqbaban nenaq gimam. An Jekonaya amaqbaban nenaq gigo kamub Babiloniya mataw bolim Isrel nenaq bab emim in Isrel on mataw giwazim giqad lehim in gigo ogib giqeman in begbeg iyim osiyta.

¹²Ari in Isrel giqad Babiloniya-ib lehiyta nab Yesus asesan asor gwahtiqiyta na ginan kazaq: Jekonaya in Sealtiyel amam. Sa Sealtiyel in Zerubabel amam.

¹³Sa Zerubabel in Abiyut amam. Sa Abiyut in Eliyakim amam. Sa Eliyakim in Azor amam.

¹⁴Sa Azor in Zadok amam. Sa Zadok in Akim amam. Sa Akim in Eliyut amam.

¹⁵Sa Eliyut in Eleasar amam. Sa Eleasar in Matan amam. Sa Matan in Jekob amam.

¹⁶Sa Jekob in Josep amam. An Josep in Mariya aduw iyan Mariya in Yesus am, on mataw anan Krais

¹⁷Nazaq iyan Abraham asenlulib iyim bolim Devit-ib iyta nab Yesus asesan in 14 nazaq iyiy. Ad Devit asenlulib iyim bolim Isrel on mataw Babiloniya-ib begbeg iyim osiyta nab in asesan 14 nazaq iyiy. Ad Isrel on mataw Babiloniya-ib begbeg iyim osim bolim Krais gwahtimta nab in asesan 14 nazaq iyiymo.

¹⁸Ari Yesus Krais anen amta awagamun kazaq. Mariya anan bilaqiy, In teq Josep waqdaq haqiy. Haqan teq Mariya ayow Josep inaq an a hi waqsamo God ago Bugaw Dimunta Mariya aholib bolan in agem tiqiy.

¹⁹Agem iysa aduw Josep nazaq in ago aw ahol waqad anad emyaq, Ya Mariya tuhulosdaiq haqyaq. Haqad teq in mat dimunta iyim in awe mebay ugnan anad a hi bilaqyaq. In anad emyaq, Ya nan kabemmo a hi bilaqad kiskismo tuhulosdaiq haqyaq.

²⁰Haqad in anad nazaq emad luwad kam araqab in ussa ago sen qway aduganib Iyahta ago angelo araq in ameb tugwahtim. Gwahtiqim in bulon, Devit ases Josep ham. Ni ningo aw Mariya waqgo hi rab ham. Ni hurit ham. Amun nawa ningo aw agemab usaqta na God ago Bugaw Dimunta inmo ugta ham.

²¹Ugan ningo aw na amun matta araq tiqemdaq ham. Emid ni anan Yesus biydaq ham. Na ezaqgo in teq ago on mataw gigo daq meqinta giwalemad gimen dante wastitayid in God agerab tileh daqay ham.

²²Nazaq iyan daq na in Iyahta ago gamuk araq in kwaziqmo ago nantut aqezab eman gwahtimta na tuwolnet bug. Gamuk na kazaq bilam, Ne huritiy ham. Aw araq mat inaq asit a hi usta na agem iyeq amun matta araq tiqemdaq haqad in bilam ham. Emid teq mataw amun na anan biyeq Emanuwel tihaq daqay haqad in bilam ham. Teq gamuk Emanuwel na alulin in kazaq: “God i ginaq osauqta” haqayta.

²⁴Ari Josep usim ago sen qway na tihiqiyan in tiqeram. Eraqim Iyahta ago angelo bulonta nazaqmo in emim awe Mariya tuwam.

²⁵Waqim teq in asit inaq a hi ussa le awe amun matta na tiqam. Eman Josep in amun anan Yesus haqad tibiy.