Matiewo 1

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Abalahama biga, jakobo biga, JESU kiristu yajanba yela n ne:

²Abalahama mali Isaka; Isaka ń mali Jakobo; Jakobo ń mali Juda yeni o ninjaba;

³Juda bo taa Tamaar, ki mali Fares yeni Saara; Fares ń mali Esrom; Esrom ń mali Aram;

⁴Aram ń mali Aminadab; Aminadab ń mali Naasɔn; Naasɔn ń mali Salmɔn;

⁵Salmɔn ń taa Rahab, ki mali Bɔas; Bɔas ń taa Rut ki mali Obed;

⁶Obed ń mali Isayi; Isayi ń mali Dafid; O badciamo Dafid ń taa Uri denpua, ki mali Salomɔn;

⁷Salomɔn ń mali Robuam; Robuam ń mali Abia; Abiya ń mali Asa;

⁸Asa ń mali Josafat; Josafat ń mali Joram; Joram ń mali Osiyas;

⁹Osiyas ń mali Juatam; Juatam ń mali Ahas; Ahas ń mali Esekihas;

¹⁰Esekihas ń mali Manase; Manase ń mali Amɔn; Amɔn ń mali Josias;

¹¹Josias ń mali Jekonias yeni o ninjaba, ban cuo ba ya yogu ki gede yeni ba Babilɔni, ti yonbidi.

¹²Babiloni yonbdi ń pendi, ke Jekonias mali Salatiel; Salatiel ń mali Sorobabel;

¹³Sorobabel ń mali Abiyud; Abiyud ń mali Eliakim; Eliakim ń mali Asɔar;

¹⁴Asɔar ń mali Sadɔk; Sadɔk ń mali Akim; Akim ń mali Eliyud.

¹⁵Eliyud ń mali Eleyasaar; Eleyasaar ń mali Matan; Matan ń mali Jakob;

¹⁶Jakob ń mali Josef, Maari calo, Maari, yua n mali Jesu, ban yi yua kiristu.

¹⁷Lan wani, lan cili Abalahama, ki tuoni Dafiid, li tie piiga n nifiima na, lan taa Dafiid ki tuoni Babiloni yonbidi, li mo tie piiga n nifiima na, ki taa Babiloni yonbdi hali kiristu li mo tie piiga n nifiima na.

¹⁸Jesu kiristu ń mali maama n ne. Maari, o naá bo tie Josef cikpenga i, ki punbi U Tienu Foŋanma paalu po, ke bi dá ki taani yeni bi yaba (ki dá ki kuni ti cikpendi)

¹⁹O calo, Josef ń bo tie nitegnka, kaa bua ke o fiagi o yeni, o den jagi ke wan wuoni, ki yie o ŋasiili nni.

²⁰Wan taa lan ya maalma yeni, O Diedo maleki ń legdi o po ti dangdi nni, ki maadi o: Dafiid bijua Josef, da jie yeni ŋan kuani a denpua Maari kelima, wan punbi ya biga ne ñani U Tienu Foŋanma kani i.

²¹O ba mali bonjaga, ŋan yini o Jesu; wani n ba faabi o buolu u tuonbiidi po.

²²Ne kuli tieni ke O Diedo ń bo cedi ke bi sawalpuaba tuodi ki waani yaali ń tieni ki dudi:

²³I ba la powandiali (ya jifaano dá ki bani ja) ba punbi, ki mali bonjaga, ban yini o Emanuyel, li niima nni tie U Tienu ye yeni ti.

²⁴Josef ń den findi, o den tieni nani O Diedo maleki ń waani o yaala, o den ga o denpua ke bi taani ki ye.

²⁵Ama, o den ki taani yeni o hali ke o ban mali bonjaga ke o yini o Jesu.