Mark 4:35-40

³⁵Ga ŋunhi marrtjina waluya gulŋiyina ŋayiya gurrana baḏak yana Djesuya nhinana marthaŋaŋu. Ŋayŋu ŋayi waŋana nhanukalaŋuwu ḻuṉḏuꞌmiŋuwu wayaŋgu bitjaya, “Go, ŋilimu marrtjina dhiyaŋu marthaŋayuna ŋunha galiꞌyina.”

³⁶Ŋayŋu wayatja ŋunhi ḻuṉḏuꞌmiŋuya waya ŋalꞌŋalyunana ŋayŋu marrtjinana. Ga gunhaꞌyuna waya ŋunhi guḻkuꞌna yolŋuna wayana bäymayi. Ga wiripu yolŋu waya marthaŋami malthuna wayaŋgu.

³⁷Ŋayŋu ŋayi ŋunhi Djesuya gayŋithinana ŋunhaya dhuḏiŋuna marthaŋaŋu, muḻkurr ŋayi belayi ŋalꞌyuna bala gayŋithinana. Ga gandarrŋuya bala watana bathalana wirrkina bunana wayaŋgu, buŋayana wayana marrtjina, ga ḏowuya gurrana wapthuna ŋayŋu gapuya dhaŋaŋdhinana marthaŋaŋuya, galki beni ŋunhi marthaŋaya guḻwuḻyunana. Ga wayatja ŋunhi ḻuṉḏuꞌmiŋuya waya nhanŋu wirrkina yana biyaṉiyina, ŋayŋu waya gurrana dhirrꞌyuna Djesuna, “Wäy Marŋgikunhami gaŋgathina, rakunydhina ŋilimu yurru, guḻwuḻyuna ŋilimu yurru... yakana nhe gurra dhuwaya warwuyundja, ŋeniya?”

³⁹Ŋayŋu ŋayi Djesuya gayŋiŋuya gaŋgathinana bala dhunupa yana ŋayi waŋana ḏälyuna dhärukthu watanaya, “Gulyuna!” ga ḏowuwuya ŋayi bitjaya waŋana, “Ḻinyguna gulyuna!” bitjaya. Ŋayŋu dhunupa yana ŋunhi wataya gulyunana boꞌyunaŋuya ga ḏowuya marrtjina nyimdhunana bala wapurarrnha gurrana dhärrana.

⁴⁰Ŋayŋu ŋayi Djesuya waŋana wayaŋgu bitjayana, “Nhäku nhuma biyaṉiyinaya?... yaka nhuma gurra ŋarrakuya märr-yuwalkthi?”