Mareko 6:19-41

¹⁹Eꞌanoꞌo Firifo inuga Herodiaꞌa Ioane maḡunoharo, ebu matihi reiro. Rehano mene idararo.

²⁰Mazaḡa Herodaꞌe Ioane rihonadu, tuḡaniro. Heroda ani edeḡa, Ioane ani haḡai manoḡa haḡaeꞌeteꞌe vazeḡa, zu gigiꞌa vazeḡa. Eꞌanoꞌo manoga mene uratiro. Heroda ani Ioane haramo igirotene, adaꞌadaniro, rehano matuꞌiro.

²¹Rehano madaḡa ai onairo. Herodaꞌa fureraroteꞌe madaḡa zamariroteꞌea, ogomu boro haḡairo. Ebu ne zuhiꞌaḡa zuhiꞌaḡa, zuni uti ḡihiꞌaḡa ḡihiꞌaḡa, ebu Galilea haba vaze boro boro* huziro, onaoga veize.

²²Eꞌe zamaḡano Herodia aboḡaniꞌa diuḡiꞌ onaadu, zavonirotene, Heroda zuni eꞌea ehoriroteꞌe azaḡa matuꞌiro. Ebu Herodaꞌa roḡae tahiꞌaḡa niro. ꞌAhige reiro. 'Ḡa nagini urateꞌeteꞌe toheḡa umidoꞌi! Eḡeꞌa ḡaniꞌuma.'

²³Aniꞌa hubehune raenaꞌa, ꞌahige rae niro. 'Ḡa nagini urateꞌeteꞌe toheḡa umidine, eḡeꞌa ḡaniꞌuma. Eḡeꞌa ḡiane radiuꞌeteꞌe habaꞌa ruga zuni ḡaniꞌuma.'

²⁴Ebu roḡae tahiꞌaḡa buanadu, viꞌa ḡadiniro. ꞌAhige reiro. 'E nagini umidiꞌuma?' Viꞌaniꞌa raenaꞌa, 'Ioane Babatiso vadiga' reiro.

²⁵Ebu roḡae tahiꞌaḡaniꞌa Heroda vaḡe ḡarihe bare onamiro. Ebu ꞌahige reiro. 'Ioane Babatiso vadiga siuvao teadu, izidi ꞌada inine manoḡa.'

²⁶Eꞌe igirotene, Heroda aniꞌe zamaḡa adudaro, zuni zamaḡa ariro. Rehano aniꞌa hubehune rae niroteꞌe uꞌano, zuni eꞌe igiroteꞌe azaḡa uꞌano, ane ḡoere variꞌoga mene uratiro.

²⁷Ebu ane uti vazeḡa ꞌahoga tuḡuniro, Ioane Babatiso vadini variꞌe reꞌadu, odohe aroga veize. Ani onamadu, ḡuꞌano Ioane ꞌunu variꞌe riꞌiro.

²⁸Vadigaꞌ e siuvao teadu odohe ariro, ebu roḡae tahiꞌ aḡa hanadu aneꞌ a viꞌ a odohe haro.

²⁹Ioane tahiꞌa tahiꞌaniꞌa eꞌe igirotene, onamadu, Ioane ahiꞌa meiro. Ebu rune habaꞌa iduḡano teadu hararo.

³⁰Apostolo azaḡa* Iesu vaḡe bare onairo. Ebu zeḡeꞌa nagini haḡairoteꞌe zu vaze vaze ihoziroteꞌe hariḡa niduꞌa meꞌodoharo.

³¹Ebu Iesuꞌa rae ziro. 'Eḡe teite aroꞌi! Vaze oꞌoꞌa habaꞌa onamihi! Ebu eꞌea ahirize ohonoꞌi!' rae reiro. Mazaḡa vaze ḡehaḡaniꞌa zeḡe vaḡe oname onairo. Eꞌanoꞌo ogauꞌeteꞌe madaḡa zu oꞌoꞌa.

³²Hena zeḡe daꞌo ḡasi hina vaze oꞌoꞌa habaꞌa onamiro.

³³Vaze ḡehaḡaniꞌa zeḡeꞌa onamiroteꞌe horozadu, ze zeḡe zeḡeꞌa zamariro. Ebu zeḡe niduꞌa zeḡe zeḡe neꞌonoꞌo buaro. Ebu dure dure onamiro. Ebu ibite feuriro, Iesuꞌa tahiꞌaḡa teite onamiroteꞌe habaꞌano.

³⁴Zeḡeꞌa hebetadu, Iesuꞌa ḡasionoꞌo buarotene, vaze ḡuḡuvaḡa boro horoziro, ebu vetuḡaziro. Mazaḡa zeꞌe mamoe heuḡa. Ḡiazeꞌeteꞌe azaḡa oꞌoꞌa. Eꞌanoꞌo hari ḡehaḡa ihoziro.

³⁵Ḡoravararotene, Iesu tahiꞌa tahiꞌaniꞌa onaadu, Iesu niro, raenaꞌa, “'Ahiꞌe haba bohaꞌa ebu mada ꞌai zubureha.

³⁶Vaze ḡuḡuvaḡa tuḡuzoꞌi, ne uhiḡa ꞌahoga ꞌahoga onamadu ogomuze hoitiꞌuma.”

³⁷Aneꞌa naenaezinaꞌa, ꞌahige reiro. 'Zaeꞌa ogomu zenoꞌi!' Ebu hena zeꞌa niro, raenaꞌa, 'ꞌAhi eme nougiꞌuma? Emeḡeꞌa onamadu, sinahu aheu (200) kina hina |iberedi|r hoitadu, ziniꞌumahehe?'

³⁸Iesuꞌa ḡadiziro. ꞌAhige reiro. 'Zae mazao |iberedi|r nugu? Onamadu ḡianoꞌi!' Zeꞌa horonirotene, niro. '|iBeredi|r fuꞌo zu ḡozone aheu.'

³⁹Hena Iesuꞌa ane tahiꞌa tahiꞌa ziro, vaze niduꞌa ve ragano ꞌaꞌane ꞌaꞌane ehoroga rae.

⁴⁰Amaḡe vaze vazeꞌa sinahu tiba tiba (100), ebu ḡae fuꞌo gaubanana, ḡae fuꞌo gaubanana (50) ehoriro.

⁴¹Ebu Iesuꞌa |iberedi|r fuꞌo zu ḡozone aheu madu, adure ite ḡianiro, ebu Badiꞌa uminiro, ebu |iberedi|r vahegadu, ane tahiꞌa tahiꞌa ziniro, vaze vaze zenoga veize. Ebu ḡozone aheu zuni vahegadu ḡahugiro.