Luka 1:40-55

⁴⁰Kana resli odori, đeli ano čher e Zaharijaso, thaj pozdravisajli e Jelisavetasa.

⁴¹Thaj kana i Jelisaveta šunda o pozdrav e Marijako, čhelda o čhavo ane lako đi, thaj i Jelisaveta pherdili Sveto Duxo.

⁴²Thaj dija vika thaj vačarda e Marijaće: “Em but san blagoslovimi maškare sa e đuvlja, thaj blagoslovimo o čhavo an ćiro đi.

⁴³Kotar manđe kava čast kaj tu i dej me Rajosi aviljan ke mande!

⁴⁴Golese dik, kana šundem ćo pozdrav ane mingre kana, čhelda o čhavoro ane mo đi.

⁴⁵Thaj blago tuče so pačajan kaj ka čerdol kova so vačarda tuče o Rajo!”

⁴⁶Thaj i Marija vačarda: “Slavil mo ođi mingre Rajo!

⁴⁷Thaj mo dux blagoslovimo si ano Dol mingro o Spasitelji,

⁴⁸so sasa milostivno pe sluškinjaće piraće, golese dik, od akana ka akharen ma blagoslovimi sa e manuša.

⁴⁹Golese so čerda manđe but šukaripe o Zuralo Dol, sveto si leso alav!

⁵⁰Vov si milostivno sa e manušenđe tare sa e kuštika save daran lestar.

⁵¹Sikada po zuralipe pe vastesa, čhudija e barikanen ane mislura lenđe ilenđe.

⁵²Čhudija e vladaren taro lengo tron, thaj vazdija e teljarden.

⁵³E bukhalen čaljarda šukarimasa, thaj e barvalen mukhlja čuče vastencar.

⁵⁴Pomožisada e Izraele ćire sluga te dolpe gođi taro milost,

⁵⁵sar so vačarda amare kuštikenđe, e Avraamese, thaj lese kućinaće đi ko poslednjo đive.”