Luka 11:39-49

³⁹A o Gospod phendas lešće: “Tumen e fariseja gadići trudintumen te thoven tumare tahtaja thaj e čare avrjal, a pheredinelen e pohlepava thaj e bilačhipeja.

⁴⁰Bi gođavalen! Naj li o Del okova kaj stvorisardas e manušes thaj pindžarel les andral sago vi avrjal?

⁴¹Zato den okova so si andral, andar e tahtaja thaj andar e čare so handžvale inćaren samo pale tumende, okolenđe savenđe si maj potrebno sago milostinja thaj saste avena čiste andral thaj vi avrjal.”

⁴²Ali jao tumenđe, farisejalen! Kaj den deš posto e Devlešće katar sa e začinurja thaj katar o povrće a či marin pale pravda e manušenđi thaj pale ljubav e Devlešći so si maj važno. Trubun te den deš posto ali či troman te zanemarin akava so si maj važno.”

⁴³Jao tumenđe farisejalen! Kaj volin te bešen pe počasne thana ande sinagoge, thaj te e manuša pozdravin tumen pherde poštuipe prema tumende pe javne thana.

⁴⁴Jao tumenđe farisejalen kaj sen sago e limorja, save naj obeležime, pe save e manuša phirena a či džanen kaj si okote o limori thaj postaisaren duhovno melale!”

⁴⁵Askal varesosko katar e sikavne e Mojsiješće zakonestar phendas e Isusešće: “Sikavneja, dok gajda phenes, vi amen vređos.”

⁴⁶A o Isus phendas: “Jao vi tumenđe, sikavnalen e Mojsiješće zakonestar! Kaj čhon pe manuša o pharipe gajda kaj den len pravilo save naštik te inđaren a korkoro ni e najesa či kamen te mrdnon te pomožin lenđe te inđaren godova pharipe.”

⁴⁷Jao tumenđe! Kaj vazden e prorokonenđe spomenikurja, a tumare pradada mudardinelen.

⁴⁸Godolesa kaj či train so e prorokurja sikavenas svedočin kaj odobrin okova so ćerdine tumare pradada: von mudardinelen, a tumen spomenikurja vazden lenđe!

⁴⁹Zato vi o Del mudro phendas: “Bičhalava lende e prorokonen thaj e apostolen. Varesaven mudarena a varesaven progonina.