39ጎዳይ ኢያኮ፥ «ሂንቴ ፋሪሳዌቲ ቁሊያኔ ሻቲያ ቦላ ባጋ ሜጬታ። ሺን ሂንቴ ጋꬃይ ኡዜቴꬃኒኔ ኢታቴꬃን ኩሚስ።
40ሂንቴኖ፥ ኤያቶ፥ ካሬ ባጋ ሜꬊዳይሲ ጋꬃ ሜꬊዳይ ኢያ ጊዴኔዬ?
41ሺን ቁሊያኒኔ ሻቲያን ዴዔይሳ ማንቆታስ ኢሚቴ። ሄ ዎዴ ሂንቴው ኡባባይ ጌሺ ጊዳና።
42«ፋሪሳዌቶ ሂንቴና ኣዬ፥ ሳዎፔ፥ ፃሎቴፔ፥ ሄሳ ሜላባፔ ኣስራታ ኬሴታ። ሺን ፂሎቴꬂኔ ፆሳ ዶሶይ ሂንቴናን ባዋ። ሃራታ ኣጎና ሃይሳታካ ኦꬃናው ቤሴስ፥ ሺን ኣጊዴታ።
43«ፋሪሳዌቶ ሂንቴና ኣዬ፥ ኣይሁዴ ዎሳ ኬꬃን ቦንቾ ኦይዴ፥ ጊያ ጊዶን ቦንቾ ሳሮꬆ ዶሴታ።
44«ማላይ ꬋዪን ኣሳይ ኤሮና ቦላራ ቢያ ዱፎ ዳኔይሳቶ ሂንቴና ኣዬ» ያጊስ።
45ሂጌ ኣስታማሬይ ዛሪዲ፥ «ኣስታማሪያው፥ ኔ ሄሳ ጋሼ ኑና ጫያሳ» ያጊስ።
46ዬሱሲ፥ «ሂንቴኖ፥ ሂጌ ኣስታማሬቶ፥ ሂንቴናካ ኣዬ፥ ኣሳይ ቶካናው ዳንዳዖና ዴፆ ቶሆ ቶሴታ፥ ሺን ሂንቴ ሂንቴ ሁዔስ ሃሪ ኣቶሺን ቢራꬌ ፄራንካ ቦቼኬታ።
47«ሂንቴ ኣዋቲ ዎꬊዳ ናቤታ ዱፉዋ ሂንቴ ጊጊሲያ ጊሾ ሂንቴና ኣዬ።
48ሂዛ፥ ሂንቴ ኣዋታ ኦሱዋ ሚንꬃናው ኤንቲ ዎꬊዳ ናቤታ ዱፉዋ ሂንቴ ሎይꬂያ ጊሾ ኤንታ ኢታ ኦሱዋስ ሂንቴ ማርካ።
49ሄሳ ጊሾ፥ ፆሳይ ባ ጪንጫቴꬃን፥ ‹ናቤታኔ ሃዋሬታ ታ ሂንቴው ኪታና፥ ሺን ሂንቴ ባጋታ ዎꬋና፤ ሃራታ ጎዳና› ያጊስ።
ሉቃሳ 11
ሉቃሳ 11:39-49