Luk 5:1-13

¹Te me sogo Jisas te Genesaret sigi ąį sesegede dolalubadi, Jisas aga pageba Godigo po odainu we bidigo mu odoga sagasalio.

²Tama Jisasgo te geba si sigi ąį bogo badu gebeadubo suali. Tiali goli te sųgų sabo bagego geba osogo tagalama, augwa te agane togobo nai umben ąį teladualio.

³Jisas aga Saimongo geba meba hola pali. Agai te Saimonbolo “Te geba sigi ąį tomoba ugwaba dwanu pogwa palao,” te po wali. Tama aga te geba daide duguladu, te we bidibolo Godigo po pusa mabo dage ma wadolali.

⁴Agai te po pusa silama, Saimonbolo te po wali, “E geba sigi ąį tomoba ugwanu ma nogelama, duga sųgų sainu da, te agane togobo wa umben te ąįba tuliagameo.”

⁵Saimongo wei ponoyu, te po wali, “Genuai Bidi, moni huli sesabi dago yabo sę iduali goli, te sųgų deli munu me sai menio. Tiali goli, nago po obaso da, eno agane wa te ąįba tuluaibao,” wali.

⁶Tama augwaligo te agane togobo wa dabe ąįba tulama, sųgų umabo mu tualigo te agane wa pąde togwa pai sę yanio.

⁷Tama tibaso, augwa gasa gebade bidali age dabe me badu ma augwali tau sagasomainu i wali. Tama augwali aselama, te geba si sųgųgo pągąnani. Tebadi yaide, te geba si te węba hoa sigulainu sę yanio.

⁸Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

⁹Agai augwaligo te sali sųgų sulama, noma mu sali. Aga dali bidali bidi dabe me noma mu sali.

¹⁰Bidi me nogi me Sebedigo ogwa si Jems dali Jon dali si me, Saimon aga age solo da. Augwali si me moni noma sali. Tama Jisasgo Saimonbolo te po wai, “Nage wi egio. Nosali nago we bidi siyu tama tiwaibao,” te po wali.

¹¹Tama te geba si ąį saniba ma nogelama, tigidali nai dabe tede tagalama, augwali tigidali Jisas wali pela sialio.

¹²Me sogo Jisas be nani me delide bidibadi yaide, oiyabe gasi sai bidi aga pageba asali. Te oiyabe gasigo aga tigi sibi tigidali mu usu nai bidi da. Te bidigo Jisas sulama, kidu sugunama, agai Jisasgo bomo gonobo po weyu, te po wali, “Genuai Bidi, nago homugo usu dao wida, teda nago ena wiegi yai ma ilama tama ena te meda meni yai tiwai ma bidaibao,” te bidigo te po wai.

¹³Tama Jisasgo nogo debelama, te bidi tigiba diąyu, te po wali, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” Tama te sogo polo tama te bidi dwagi yai ma yali.