Lewi Sɛrɛxɛdubɛ 11:7-22

⁷Xɔsɛ tan, a tore itaxunxi firinyi ra, kɔnɔ a mu donse ratema a dɛ i a nu a idon. A raharamuxi wo ma.

⁸Wo naxa na subee don, wo naxa din e binbie ra. E raharamuxi wo ma.»

⁹«Yɛxɛ naxee na ye xɔɔra, wo nɔma naxee donde, nee nan ya: xale kanyi nun bɛlɛ kanyi naxee na baa ma, xa na mu a ra xure kui.

¹⁰Kɔnɔ yɛxɛ naxee na baa ma, xa na mu a ra xure kui, bɛlɛ mu na naxee ma, xa na mu a ra xale mu na naxee ma, e raharamuxi wo ma.

¹¹E raharamuxi wo ma, wo naxa e sube don. E binbie fan raharamuxi wo ma.

¹²Yɛxɛ birin bɛlɛ nun xale mu na naxee ma, e raharamuxi wo ma.»

¹³«Xɔni raharamuxie nan ya wo mu lan wo xa naxee don: yubɛ, sɛgɛ, xaruma gbɔntɔɛ,

¹⁴a nun nee maniyɛ birin.

¹⁵Xaaxa fan, wo naxa na don a nun a maniyɛ birin.

¹⁶Xundi, koofole, a nun tagarantongoe,

¹⁷wo naxa e don a nun nee maniyɛ birin.

¹⁸Gbongboe, yedɔnmɛ,

¹⁹laaba, tukɛ, a nun nee maniyɛ birin, wo naxa e don.»

²⁰«Nimase gabutenyi nun sanyi na naxee ma, e raharamuxi wo ma.

²¹Kɔnɔ na nimase mɔɔlie ya ma, naxee tuganma, wo nɔma nee tan donde,

²²alɔ katoe, tugumie, nun nee maniyɛ birin.