Lifitikos 11:7-22

⁷Nge pik epwe pwal limengau ngenikemi, pun a keang kün pachapachan, nge esap lülüsefäli anan.

⁸Ousap fokun ochoch fituken ekei man, ousap pwal fokun atapa ekei man men mä, pun repwe limengau ngenikemi.

⁹Iwe, oua tongeni mongö ekewe ik meinisin mi nom lon koluk ika leset a wor ililir me töröüner.

¹⁰Nge ekewe mönümanau mi nom leset ika lon koluk esap wor ililir me töröüner, ese lifilifil ika ra kükün ika ra watte, repwe anioput ngenikemi.

¹¹Iwe, repwe chök anioput ngenikemi. Ousap mongö fituker, nge are ra mäla, repwe pwal anioput ngenikemi.

¹²Mönümanau meinisin mi nom lon koluk ika leset esap wor ililir me töröüner repwe chök anioput ngenikemi.

¹³Iwe, ikkei iten ekewe machang ousap ochoch fituker, pun repwe anioput ngenikemi: Ikel me sokopaten ikel iter wolcher me osprei,

¹⁴ekewe machang iter kait me sokopaten machang iter falkon,

¹⁵iteiten sokopaten ängä,

¹⁶ewe machang itan ostrich, kawakawen lepwin, nipöüwanei, sokopaten kawakaw,

¹⁷fukuro, niwanök me ewe machang itan ipis,

¹⁸niaupinik, ekewe machang iter pelikan me karion wolcher,

¹⁹öröpwech pwal iteiten sokopaten örö, ewe machang itan hupo me pöüte.

²⁰Iwe, ekewe kükün man meinisin mi äkkäs, nge ra pwal tö won fofoch aütür, repwe anioput ngenikemi.

²¹Nge me lein ekewe kükün man mi äkkäs o tö won fofoch aütür oua tongeni mongö ekewe mi wor aför, pwe ra tongeni mwetemwet won pwül.

²²Ikkei ir ekewe kükün man oua tongeni mongö: sokopaten lifichimas, sokopaten lifichimas mi äkkäsfetal, sokopaten korongi, pwal sokun lifichimas mi nom won fetil.