Sɑ̃ɑrun Woodɑ 11:7-22

⁷Mɛyɑ bɑ ǹ koo mɑɑ kurusɔ di. Gɑ nɑɑ kɑburosu mɔ ɑdɑmɑ gɑ ku rɑ tukɑ ko. Bɑ koo gu gɑrisiwɑ yɑɑ disigiɑ.

⁸Bu ku yɛɛ yi di, bu ku mɑɑ yin gonu bɑbɑ. Bɑ koo yi gɑrisiwɑ disigii.

⁹Yɛɛ yi yi mɑɑ wɑ̃ɑ dɑɑnɔ kɑ nim wɔ̃kuɔ, yi yi wɑ̃ɑ nim sɔɔ gesi kpuro yi bɑ koo di wee. Yiyɑ yi yi kɛ̃ɛritii mɔ kɑ kokosu sɑnnu.

¹⁰Adɑmɑ yi yi kun kɛ̃ɛritii mɔ kɑ kokosu sɑnnu, bɑ koo yi gɑrisiwɑ disigii.

¹¹Bɑ ǹ koo yi di. Mɛyɑ bu ku mɑɑ yin gonu bɑbɑ.

¹²Yɛɛ yi yi gesi wɑ̃ɑ nim wɔ̃ku sɔɔ, kɑ dɑɑnɔ, mɑ yi ǹ kɛ̃ɛritii kɑ koko si mɔ, bɑ koo yi gɑrisiwɑ disigii.

¹³Gunɔsu sɔɔ, si bɑ koo gɑrisi disigisu wee, siyɑ gunɔ bɑkeru kɑ sere mɑɑ si su rɑ swɛ̃ɛ di kɑ si su rɑ yɑɑ di

¹⁴kɑ yɑberekunu kɑ sere si su kɑ nu weenɛ

¹⁵kɑ gbɑnɑmgbɑɑnu kɑ mɑɑ si su kɑ nu weenɛ

¹⁶kɑ tɑɑtɑɑnu kɑ booro kɑ sere si su kɑ su weenɛ kɑ kɑsɑ kɑ si su kɑ ye weenɛ,

¹⁷kɑ booro bweseru gɑru kɑ nim kpɑkpɑyɛ, kɑ booro dɑ̃ɑ kɔ̃ɔru

¹⁸kɑ gunɔ gbɑmgbɑyɑku kɑ gunɔ si su rɑ swɛ̃ɛ din bweseru

¹⁹kɑ swɑ̃ɑ wĩɑku kɑ si su kɑ ye weenɛ kɑ kɔ̃ɔ.

²⁰I ku mɑɑ kɔkɔmii ni nu kɑsɑ kɑ nɑɑsu mɔ di.

²¹Adɑmɑ ni sɔɔ, i ko i kpĩ i di ni nu rɑ yɔ̃ɔku tem sɔɔ

²²nge tweɑ kɑ gbɔɔ kɑ ni nu kɑ ye weenɛ.