Làasoode 6:1-9

¹Ma vãi è dṹnia guu lↄ, à tↄ̃̀ gbɛ̃nazĩnaↄwa.

²Lua gbɛ̃́ kà ↄdawa, à aà gbà àizɛɛ ń bɛɛɛo, a pↄ́ pↄ́ dɛ àↄ a ni vĩ píi vĩ, ↄ̃ Lua i to à pↄnakɛ̀òo, gbɛ̃pãle mɛ́ gↄ̃̀ vĩ. Beeá pãɛ, yãvãi pãsĩɛ.

³Tó gbɛ̃́ nɛ'ì mɛ̀n basↄo mɛ́ à zikũ̀ táotao, baa ń aà gɛ̃gɛ̃akɛo, tó i e pↄnakɛ̀ a guuo, tó à gà mɛ́ aà vĩa kpɛlaao, nɛ́ pↄ́ wa ì gɛ̀ sã̀ↄwà.

⁴Asa nɛ́pi mↄ̀ pãɛ, ↄ̃ à tà gusiau, aà tↄ́ gↄ̃̀ balau.

⁵Baa kɛ́ i ĩatɛ̃ eo mɛ́ a yãe dↄ̃o, à niɛ è dɛ ↄdepia.

⁶A dɛ gbɛ̃́ pↄ́ kú wɛ̃̀ ↄ̀aa kwi pↄnakɛsaila. Aali gɛ́ gudoũ ḿpiio lé?

⁷Gbɛ̃nazĩna isima pↄ́ a gà lɛ́ kpá, à pↄ́ e da lɛ́ɛ yã́ɛ, kási aà gbɛɛ lí kã́o.

⁸Bↄ́ ↄ̃nↄna dɛò sↄũai? Bↄ́ ài yãkɛa a zɛ́wa ì i taasideɛi?

⁹Pↄnakɛa ń pↄ́ pↄ́ ń vĩo maa dɛ a pãle nidɛaa. Beeá pãɛ lↄ mɛ́ gugiiyaaɛ.