Jeremaia 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

¹Iwe, lon engolun maramen ewe atiuen ierin mwün Setekia ewe kingen Juta, Nepukatnesar ewe kingen Papilon me an mwichen sounfiu meinisin ra feito Jerusalem, ra pwelifeili fän pisekin maun o maun ngeni.

²Nge lon engol me aeuin ierin mwün Setekia, lon atiuen ränin ewe arüanün maram a pwang tittin ewe telinimw.

³Iwe, lupwen ra liapeni Jerusalem, nöün ewe kingen Papilon kewe meilapen nöüwis meinisin ra feito o mot lon ewe Asamalapen Lukalap. Ikkei iter: Nerkal-sareser, Samkar-nepo, Sarsekim, pwal eman Nerkal-sareser fiti ekoch nöüwis nöün ewe kingen Papilon.

⁴Nge lupwen Setekia ewe kingen Juta me nöün kewe sounfiu meinisin ra küneer, ra süla lepwin seni lon ewe telinimw won ewe al mi pwere ngeni tanipin ewe king ren ewe asamalap lefilen ekewe ruu tit. Iwe, ra süla akawenewenen ewe lemolun Jortan.

⁵Nge ekewe sounfiun Papilon ra tapweriir o tori Setekia me lon ewe maasiesin Jeriko. Ra liapeni o emwenala ren Nepukatnesar ewe kingen Papilon mi nom Ripla lon ewe fanü Hamat. Iwe, ewe kingen Papilon a apwüngala mine epwe fis ngeni.

⁶Iwe, a niela nöün Setekia kewe mwän me fän mesan lon Ripla. Ewe kingen Papilon a pwal niela ekewe aramas tekia meinisin seni Juta.

⁷Mürin a alusawu föün mesen Setekia o föti ngeni selimächä, pwe epwe uweela Papilon.

⁸Iwe, ekewe chon Papilon ra kenala ewe imwen king me imwen ekewe aramas, ra pwal ataetiu tittin Jerusalem.

⁹Mürin, Nepusaratan ewe meilapen chon tümwünü ewe king a uweela Papilon ekewe lusun aramas mi chüen nom lon ewe telinimw fiti chokewe mi sü ngeni me mwan.

¹⁰Nge Nepusaratan a likiti lon ewe fanü Juta ekoch aramas mi wöüngau resap eäni och. Lon ena fansoun a ngeniir tanipin wain me mälämäl.

¹¹Iwe, Nepukatnesar ewe kingen Papilon a allük ngeni Nepusaratan ewe meilapen chon tümwünü ewe king fän äsengesin Jeremaia o apasa,

¹²“Kopwe angei Jeremaia o tümwünüöchü. Kosap afeiengaua, nge kopwe chök föri ngeni usun mine a ürenuk.”

¹³Iei mine Nepusaratan fiti ekewe meilapen nöüwis Nepusaspan me Nerkal-sareser pwal ekewe ekoch nöüwis nöün ewe kingen Papilon

¹⁴ra titi Jeremaia o emwenato seni ewe lenien chon mas. Ra lükü ngeni Ketalia nöün Aikam we mwän, nge Aikam nöün Safan, pwe epwe aliwinala lon imwan. Iei mine Jeremaia a nom lein ekewe aramas.

¹⁵Iwe, ewe Samol mi Lapalap a kapas ngeni Jeremaia, lupwen a chüen lokkolong lon ewe lenien chon mas,

¹⁶pwe epwe üreni Epet-melek ewe re Itiopia, “Iei alon ewe Samol mi Unusen Manaman, ewe Koten Israel: Iei üpwele apwönüetä ai kei kapas üa üra fän äsengesin ei telinimw, pwe üpwe afeiengaua, nge üsap afeiöchü. Nge lupwen epwe pwönüetä, en kopwe küna ren mesom.

¹⁷Nge ngang ewe Samol mi Lapalap üpwe amanauok lon ena rän, pwe kosap tolong lepöün chokewe ka niuokusitiir.

¹⁸Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”