1“Bada God, aruana i vereu. I vineu ma i paritawaneu da: Riwana Aiaina ata naiei molamolakai awari ma vinuanuabolai ana vinuabai. Ma panipani ana pariverei da deriei ina viopuni.
2I paritawaneu da rava ata pariverei, da mara i turiai maranai Bada ana rava ina vilawani ma ana ḡavia ina kovoḡi. Ma i paritawaneu da vinuabolai ana vinuaubai.
3Da taui e mogumogu au ola Zion, nuaiai ina vikunuteiei ma eḡa ina vidolodolo. Nuaiai logologona ma eḡa tou. Taui ina vinuaiai ma eḡa ina vinuabola. Ai kaua jijimanina aubaina ina ḡorei Bada ana labarava ai jijimanina da tauna ina vimaeḡaeḡaeni.”
6“Ma taumi ina ḡoremi Bada ana pirisi. Ina ḡoremi, God ana taunola. Taumi dobu ḡelaui ai maura ona ani ma ona vigulagulauei.”
8“Aubaina Tau, kaua aiaii a ḡoeḡoei, danene ma ḡoʼapoapoe a gedugeduaiei. Au rava ai vinuapoapoe aubaina ana vimaiana-kauei; au parivainuaḡana bagibagina mamae-nonoana maiteni ana kauei.
9Dam anatapui, am epaepaia ina aramanei ma e inainana ḡaei.” Ma ina pa, “Bada i viaiaina-kauei.”
10Bada awarina a vivinuaiai kaua ma Aruau God awarina i vinuaiai kaua. Aubaina vilawana garanei i vigaraiu Ma jijimana vianei ma garanei i vioteniu. Me tavitavinevou orotona e vivigarai nanare bo me wavine tavitavinevou ana viana e tavitavine.
11Me doa, pei e vivigogoi ma debagau lam e verevereta, nanare Bada God, rava e teretere-vaijijimani au dobu da tauna ina voepaepae.
