Isaiah 40

2

5

6

7

9

11

35

40

42

49

50

52

53

54

55

56

58

61

64

¹Ami God e ririwa, “Au rava, ona vinuaubai! Nuauba riwai ona riwei.”

²Riwa egolanei mai Jerusalem ona riwei ona riwei da ai vinuapoapoe marana i kwa, ai ḡoʼapoapoe i nota-tawanei. Bada ai ḡoʼapoapoe i vimaiei mara ruaḡa.

³Rava e viḡoreḡore; “Bada ana aninae au mutulua ona vokaukauei! Etanai jijimanina ata God aubaina au mutulua ona kauei.

⁴Gwagwa ona dobo-naiei, ma ola anatapui ona ḡara tawatawanei doana anatapuna ona vimataveni, ona ḡara-laboḡi.

⁵Bada ana boruma ina vieḡai, ma rava anatapui ina inanai. Lamna Bada gamonei i riwa!”

⁹Zion, tam pariverena aiaina e garagararei. Ma ḡae ola ḡaeḡaena au tepana ma ponam ḡaeḡaenei, pariverena aiaina ma raugugulei ma eḡa ma rovo! Taon ḡaeḡaei Judah au paratana ma pariverei, “Ami God e nenei!”

¹⁰Ona inana Bada God ana rewapanana e nenei da ina vibadeta. Ona inanai! Maiana, lamna rava i vivilawania, maiteni e nenei.

¹¹Ana rava ina ḡamoi me sipu tauḡamoina, ana sipu natunatui au nuanuana ina raparapai. ma tatauvao ina ravena-kauei.