Text copied!
CopyCompare
Wedau Mark - Isaiah

Isaiah 9

Help us?
Click on verse(s) to share them!
1Taui i vivinuʼapoapoe, ai vinuapoapoe ina kwa. Rorova dobu Zebulun ma dobu Naphtali i kwalai ma i vinimalamalai, wate muriai dobuna ina viboruma-kauei. Galili, jentail ai dobu, au boga Mediteranean ina vikarei da maramatanei ina nae da waira Jordan au baba ḡelauna.
2Taui waguwaguvareina taubabarai lalaina ḡaeḡaena i ʼnanai; Taui gimtona taumaenina awarii lalalaina i lalai.
3Tam ai dam u vimaḡai ma ai nuaiai u viratai; am viturana i vinuaiaiei; me tuaruta au marana e vivinuaiai, me sorodia e vivinuaiai, maranai, ḡavia purapurai i tuarui, e ḡutaḡutai.
6Aubaina, awarita tevera i tupua! Tevera orotona i vereta! Tauna ina vibada. Tauna ina ḡorei: Tauvinuaterena Aiaii telarana, God Vivirewapanana; Amata Maemae Nonoana; Nuauba Badana.
7Ana vigulau ma ana nuauba ina tua, eḡa damona ita mamae. Noina Gulau David ana au vigulau gabuna ina kiala, ma nuavainei ma jijimaninei ina vibada kaua; Ina mae-nonoa, marina da mara au damona. Bada Vivivirewapana Kaukauana ana nuavainei wei anatapuna ina kauei!