Iosua 22:28-32

²⁸Arinai ai ene huia murida eai taba arimai eai eo ama isimurita aridi eai si ene doha nei, ai ene, Guiau ena hatahata tabuna tamadaeao se ginauri ana ao au ita, nige se ginauri bena se alagorugoru, eo se aitalasam: eda heiheinoi mo enamai eo enamiu.

²⁹Eaubada bena i nuahimai Guiau tabu ai ouealaealaei asubena ta ai lau suaraei, eo ia nige ai hemurivatai, bena hatahata tabuna ai ginauri ema alagorugoru, eo ema aitalasam; Guiau eda Eaubada ena hatahata tabuna hasarina eai, ena numa bahebaheusi matana eai, se tore.

³⁰Piniasi, kohena tauna, eo Isaraela moutuadi maudoudoidi edi babada, eo edi Vasavasa maenaeao Reubena nanatunaeao, eo Gada nanatunaeao, eo Manasa nanatunaeao edi riba se ataiei, nuadi se loro.

³¹Piniasi, Eleasa kohena tauna natuna, i ribalau Reubena nanatunaeao, eo Gada nanatunaeao, eo Manasa nanatunaeao aridi eai, i ene Vau asubena ta ai itaeao Guiau boeada eai i mia, paana teina baaea va nige au abi Guiau matana eai, Guiau nimana eai Isaraela nanatunaeao abo au abihemauridi.

³²Piniasi, Eleasa kohena natuna, eo Vasavasa maenaeao, Reubena nanatunaeao, eo Gada nanatunaeao, se laugabaedi, oea Giliadi eai se lau Kanana eai, Isaraela nanatunaeao aridi eai, Vasavasa se heribadi.