GUNALAIA TAUDIA 20:36-39

³⁶Unai dainai Beniamina taudia idia diba idia lusi vadaeni. Israela taudia be guna Beniamina taudia dekena amo idia heau koikoi, badina be idia ese Gibea kahirakahira idia hunia noho Israela taudia idia abidadama henia.

³⁷Unai neganai hanua kahirakahira idia hunia noho taudia be idia toreisi haraga, hanua dekenai idia heau, hanua lalonai idia vareai, bona hanua taudia ibounai idia alaia mase.

³⁸Israela taudia edia orea badana bona hanua idia hagegea orea taudia be guna idia laloa tamona, toa ta do idia hedinaraia. Toa be inai: Lahi ena kwalahu, ori bamona, be hanua dekena amo do ia daekau neganai,

³⁹tuari gabuna dekenai idia tuari noho Israela taudia be do idia gini bona giroa. Unai nega dekenai Beniamina taudia ese Israela taudia 30 idia alaia vadaeni, bona Beniamina taudia idia herevahereva, idia gwau, “Momokani, ita dekena amo idia heau, tuari gunana dekenai idia karaia hegeregerena.”