Diutelonomi 17

4

6

7

8

11

12

17

18

31

34

¹⁴Yena ami luhulau tanohi Guyau emi Yaubada ya felemiu bena aiꞌemiu ami abi, yo ami gogoi, haba auwen, “Nuꞌu hahaisa sadaida yai mate edi kin. Eda ta faꞌobiyo. Haba ita doha iti.”

¹⁵Na, kin sai Guyau emi Yaubada ya fasinabo ami faꞌobiyo in bena hidamiu hesa ai ganahewamiu. Tabu taꞌowawa hesa in hige Isalaela dogana au fasinabo.

¹⁶Kin te ibege hosi boludi aiꞌena i abidi e dodoga i fatamali fuyoꞌidi Idipi be hosi hahaisa ti abidi, paꞌana Guyau emi Yaubada haꞌa ya falibamiu iyen, Tabu au fuyo niya.

¹⁷Tabu lalahuna ti ouli. Doꞌata ginauli te ya foya ponoli be Guyau ya lau afulen. Yo tabu siluba yo gole boludi i abidi.

¹⁸Ibe ya kin, bena laugagayo bukana te, sulu Lewi tau antalasam lebedi yai ya leyama be, enehena, ya uli faꞌawa.

¹⁹Laugagayo te bena ai sadaina yo bena ya fatifatilidi fuya ouꞌouli haba ya anpate be Guyau ena Yaubada ya faꞌatitiyen yo ena laugagayo ya lau watan komakomanidi.

²⁰Buka fatili yai haba ya nuwa lidilidi be afa haidana ibege i ita fakiudi yo ibege i timuli bui, be laugagayo i lau afulen, na i leu e i sae. Habahim in yo laulauwewena haba edi nuꞌu sa tanuwagai ee–, hitina yo hitina.