Diutelonomi 34

4

6

7

8

11

12

17

18

31

34

¹Habahim Mowabi gonna yai, Mose Nebo Tuꞌana ya finahe hasa, tupina hesana Pisiga hewana yai, na Diyeliko mate, tefa yai. Amainiya, Guyau tanohi mahudoꞌina ya faꞌita, Giliyada ya lau ee–, Dan,

²yo Nafatali mahudoꞌina, Efalaim, yo Manase Nuꞌudi ya lau Diuda tanohina ya lau ee–, Gabogabo tefa leuleuna yai ya faꞌita.

³Negebi yo Diyeliko gonna, na Diyeliko hesana hesa mate Palam Taonna ya lau ee–, Sowa hinaga ya faꞌita.

⁴Habahim Guyau, Mose ya faliba iyen, Tanohina, logena ite, fuyana E angwalaꞌen be Abelaham, Isako yo Iyakobo E falibadi yawa, “Haba laulauwewemiu E feledi.” Tanohina wa, ite E faꞌitam. In moho ibege u lau niya.

⁵Na Guyau ena tau paisowa Mose, Mowabi Nuꞌuna yai ya peꞌi, doha haꞌa Guyau ya libaen.

⁶Guyau Mowabi yai, Mose ya boꞌusai na Beti Peo nuꞌuna, tefa yai. In moho somo yai ya boꞌusai hige sai laꞌi i sibai ee–, aho ite.

⁷Mose ena bolima handele-twenti, ma adidilina yo matana hige ti gafu na ya peꞌi.

⁸Isalaela dodogadi Mowabi gonna yai sa tantan yo sa logo ee–, lahai 30.

⁹Nun natuna Diyesuwa mate Yaluwa ya famohafu be ya sonoga wananaha paꞌana Mose nimana ya tole hasaen hewana yai. Logena Isalaela dodogadi sa ataꞌatahi lau lisina. Somo haꞌa Guyau, Mose ya fatalaha mate sa lau watanidi.

¹⁰Aho te, hige peloweta hesa i obiyo Isalaela ganahewadi yai doha Mose, Guyau ya siba wananahai yo maꞌena sa faꞌawa efa.

¹¹Logena, Guyau, Mose ya fatamali lawen Idipi be noꞌo yo fafaꞌilala ginaulidi ya lau ginauli Kin Falo yo ena tau paisowa yo ena nuꞌu dodogadi matadi yai.

¹²Logena, hige sai hesa gigibwali laꞌilaꞌina i fapaisowa e laulau fatau didididigadi i lau ginauli doha Mose ya lau ginauli, Isalaela dodogadi mahudoꞌidi matadi yai.