Birinci Padşahlar 17:3-11

³«Buradan get və şərqə tərəf yollan, İordan çayının şərqində olan Kerit vadisində gizlən.

⁴Orada vadidən su içəcəksən, səni yedirməyi də qarğalara əmr etdim».

⁵O, Rəbbin sözünə əməl etdi və İordan çayının şərqində olan Kerit vadisinə gedib orada qaldı.

⁶Qarğalar ona hər səhər-axşam çörək və ət gətirərdilər, vadidən də su içərdi.

⁷Bir müddət sonra vadi qurudu, çünki ölkədə yağış yağmırdı.

⁸İlyasa Rəbbin bu sözü nazil oldu:

⁹«Qalx Sidonun Sarfat şəhərinə get və orada qal. Orada bir dul qadına sənə yemək verməyi əmr etdim».

¹⁰O qalxıb Sarfata getdi. Şəhərin darvazasına çatanda bir dul qadının odun yığdığını gördü və onu çağırıb dedi: «Mənə bir qabda azca su gətir, içim».

¹¹Qadın gətirməyə gedəndə onu çağırıb dedi: «Mənim üçün əlinə bir tikə çörək də al».