1 King 17:3-11

³“Kimea ran out ekok ka kiha en usite koa ist hetokol Poal Kerat koa mul en ist ten Oaisal Sodan. En out enek, kito suai keke asuv houlu Ehab hervotintei keik.

⁴Titi oaisal en poal enek hesan oai minuk kimuni, ka nameng kat aman keil koa avise keil en ‘revan’ keke imai ikur anien am.”

⁵Sakini, Ilaetsa mumoni suval koa Iahova meng kati mini. Kei va ro en out enek.

⁶Ka en visokon ka mendilah vasi keil, mun oai en titi oaisal ka revan keil alah veret ka vuseri an mai.

⁷Ro mukonek avati vahis va vio … titi oaisal enek memes esuk, veni ous tovuol varei.

⁸Navong oai omon provet Ilaetsa vus, Iahova viteni mini vit,

⁹“Kosa, kiha en meteimal ten out Serafat, vesesal en taon ten out Saedon koa romultei en atan onen me-Isrel keil. En out enek, nameng kat vatina tai koa rovitei ahin Isrel keke hesan anien minuk.”

¹⁰Sakini Ilaetsa va en out Serafat, ka navong mai vesesal en meteau ten taon, votin vatina tai koa mul lah ruain angosis. Navong lesi, visi vit, “?Kokilea kovasan etai hati oai minau?”

¹¹Ka navong vatina va vakuri, Ilaetsa viso vit, “Ka kikur etai hati veret emun niani.”