AYUBA 1:1-8

¹Gↄ̃gbɛ̃ ke kú Uzu bùsun yã, a tↄ́n Ayuba. Gbɛ̃ manamɛ, àdigↄ̃ taari vĩro. À Luda vĩna vĩ akũsↄ̃ à gì yãvãnikɛnaai.

²À nɛ́gↄ̃gbɛ̃nↄ vĩ gbɛ̃nↄn suppla, nɛ́nↄgbɛ̃nↄ gbɛ̃nↄn aakↄ̃.

³À sãnↄ vĩ dúbu suppla, lakuminↄ dúbu aakↄ̃, zùnↄ wàa sↄↄro, zaakinↄ wàa pla kpɛ́ basↄↄro, akũsↄ̃ a zĩkɛrinↄn dasi manamana. À aruzɛkɛ zↄ̃kↄ̃ de gbɛ̃ sĩnda pínki pↄ́la ifãboki kpa.

⁴A nɛ́gↄ̃gbɛ̃nↄ dìgↄ̃ pↄnna pↄ́ble kɛkↄ̃nɛ bɛ kũ bɛo, òdi ń dãre pìnↄ sísi ò mↄ́ ò pↄ́ ble ò í mi kũńwo lɛɛlɛ.

⁵Gↄrↄ kũ ò pↄnna pↄ́ blè ò làka pínki, Ayuba dì gbɛ̃ zĩḿma ò gbã̀ bońnɛ. Tó gu dↄ̀, àdi futɛ kↄnkↄkↄnkↄ à sa'opↄ kũ òdi ká tɛ́n à tɛ́ kũ o ń baadinɛ à pi: Òdigↄ̃ dↄ̃ro ma nɛ́nↄ durunna kɛ̀ ò dↄkɛ̀ kũ Ludao ń swɛ̃̀n gwɛɛ. Lɛn Ayuba dìgↄ̃ kɛ lɛ gↄrↄ sĩnda pínki.

⁶Zĩkea malaikanↄ sù ò zɛ̀ Dikiri arɛ, akũsↄ̃ Setan kú ń tɛ́.

⁷Akũ Dikiri pì Setannɛ: N bo mámɛɛ? À wèa à pì: Matɛn gɛ́ matɛn su matɛn likara andunia gũmmɛ.

⁸Akũ Dikiri pìnɛ: N ma zↄ̀bleri Ayuba è yá? A sára kú andunia gũnlo. Gbɛ̃ manamɛ, à taari vĩro. À ma vĩna vĩ akũsↄ̃ à gì yãvãnikɛnaai.