Job 1:1-8

¹Oroto wavana Job au Uz i mae. Tauna rava jijimana kaukauana ma ḡoʼapoapoei i geduaiei. Tauna God i vivirei ma ḡoa aiaii ava i kaukauei.

²Tauna natunatuna nelarai 7 ma waivinei tonuḡa,

³ma ana sipu 7,000; kamel 3,000; uata bullna 1,000 ma donkey waivinei 500 ma ana taunola maḡamaḡaui. Ma i vipurapura ma i maura kaua eḡa aiai ḡelauna nanare nai au dobuna, au maramatanei.

⁴Ai mara i tereterei nanare Job natunatuna nelarai nununai ai au numa i toretorela, ma varevarei ma novunovui i rauḡoreiai ma anatapui i amam ma i umauma gogona.

⁵Aupom biaḡa nanare torela au murina, Job ubaubanai boiboḡi ina vovomairi ma natunatuna nununai ina rauḡoreiai ma epaiai ḡamoḡamo taputapuna ina apuapui Bada awarina da natunatuna ina viaiaini. Tauna i notanota da, “Mepa da roaroa i kauana-boai ma au orai God i parivaiapoapoeni.”

⁶Marina mara i ḡetai da anela au mara i ḡeta Bada awarina ma tauviwavu - Satan taui i votaḡoi da i ḡeta.

⁷Bada Satan i paridadanei, “Tam meiei e nenei?” Satan i paribelei i pa, “Tau were ma nare a nenae ma a nenei, dobu a tetetei.”

⁸Ma Bada i paridadana, “Au taunola Job u inanai bo eḡa? Tauna rava aiaii kaukauana, eḡa aiai ḡelauna au dobu nanare. Tauna rava jijimanina ma patupatutuna. E vivivireiu ma e paipaina-melei da eḡa kaua apoapoe ita kaukauei.”