عَيُبَ 1:1-8

¹شّمّ ندٍ نُ نَ عُسُ بْشِ مَ نَشَن نُ شِلِ عَيُبَ. مِشِ هَفِفّ نَن نُ لَنشِ عَ مَ، عَ مَتِنشِن. عَ نُ فَاشُمَ عَلَ يَ رَ، عَ مُ نُ بِرَ مَ قٍ حَاشِ قْشْ رَ.

²دِ شّمّ سٌلٌقٍرٍ نُن دِ فِنّ سَشَن نُ نَ عَ يِ رَ.

³عَ شَ فْورّ نُ لَنشِ يّشّي وُلُ سٌلٌقٍرٍ، حْشْمّ وُلُ سَشَن، نِنفٍ وُلُ كٍرٍن، عَ نُن سٌقَلٍ كّمّ سُولِ نَن مَ. وَلِكّ فبٍفبٍ سَشِ نَ نَن قَرِ. بِنيّ نُ سَشِ يِ شّمّ مَ دَنفِ مِشِ بِرِن نَ نَ سٌفٍتٍدٍ بِرِ رَ.

⁴عَ شَ دِيٍ نُ شُلُنيِ تِمَ نّ عٍ بٌورٍ شْنيِيٍ، عٍ نُ عٍ مَافِنّيٍ شِلِ عَلَكٌ عٍ بِرِن شَ نُ عٍ دّفٍ يِرٍ كٍرٍن.

⁵شُلُنيِيٍ نَ بَ عَ رَ، عَيُبَ نُ سّرّشّ فَن دَاشِيٍ بَمَ نّ عَ شَ دِ بِرِن بّ عٍ رَ سّنِيّنقٍ رَ. عَ نُ عَ مَحْشُنمَ نّ عَ تّمُندٍ عٍ بَرَ يُنُبِ ندٍ سْتْ، شَ نَ مُ عَ رَ عٍ بَرَ عَلَ دَنكَ عٍ بْحّ كُي. نَ كُي عَيُبَ نُ لُمَ سّرّشّ بَ رَ عٍ بّ تّمُي بِرِن.

⁶لْشْي ندٍ عَلَ شَ مَلٍكّيٍ نَشَ قَ عَلَتَلَ يِرٍ. سٍنتَنّ قَن نُ نَ عٍ يَ مَ.

⁷عَلَتَلَ نَشَ سٍنتَنّ مَشْرِن، «عِ كٍلِشِ مِندٍن؟» سٍنتَنّ نَشَ عَ يَابِ، «ﭑ كٍلِشِ دُنِحَ عِحّرّدٍ.»

⁸عَلَتَلَ مَن نَشَ عَ مَشْرِن، «عِ بَرَ ﭑ مَ كٌنيِ عَيُبَ رَكْرْ سِ؟ عَ مَنِيّ يٌ مُ نَ دُنِحَ مَ. عَ قَن، عَ تِنشِن. عَلَ يَرَفَاشُي نَن عَ رَ، قٍ حَاشِ مُ رَقَن عَ مَ.»