APOSETOLO EDIA KARA 9:26-38

²⁶Saulo be Ierusalema dekenai ia ginidae, ia ura diba tahua taudia danu do ia noho hebou. To ibounai be ia dekenai idia gari, badina be idia hamomokania lasi ia be diba tahua tauna ta.

²⁷To Banaba ese Saulo ia durua, aposetolo dekenai ia hakaua lao, bona idia dekenai ia hamaoroa, ia gwau, “Saulo ese dala dekenai Lohiabada ia itaia, bona Lohiabada ese ia hereva ia dekenai. Gabeai Damaseko dekenai ia ese Iesu ena ladana ia harorolaia mai goada danu.”

²⁸Vadaeni Saulo be idia danu ia noho, bona ia lao Ierusalema kahana ibounai dekenai, Lohiabada ena ladana dekenai ia haroro mai goada danu.

²⁹Bona Saulo ese Helene gado dekenai idia hereva Iuda taudia dekenai ia hereva henia, bona idia danu ia hepapahuahu, to idia ese alaia mase dalana idia tahua.

³⁰Abidadama taudia idia diba neganai, Saulo idia hakaua lao Kaisarea dekenai, bona gabeai idia siaia lao Taso dekenai.

³¹Unai neganai Iudea tano ibounai, bona Galilea bona Samaria dekenai danu, ekalesia orea ibounai ese maino idia abia vadaeni, bona idia goada daekau, bona Lohiabada dekenai idia gari noho, bona Lauma Helaga ese laloa goada idia dekenai ia henia. Vadaeni ekalesia ia bada daekau.

³²Gabeai Petero ia laolao gabu idauidau dekenai, bona nega ta Dirava ena taudia Luda dekenai ia vadivadi henia.

³³Unai gabu dekenai raka diba lasi tauna ta ia davaria, ladana Aenea, ia be lagani 8 ia hekure noho geda dekenai.

³⁴Bona Petero ese ia dekenai ia hereva, ia gwau, “Aenea e, hari Iesu Keriso ia hamauria oi. Oi toreisi, oiemu geda oi lokua karaia.” Vadaeni maoromaoro ia toreisi.

³⁵Luda bona Sarona taudia ibounai ese idia itaia, bona edia lalona idia giroa Lohiabada dekenai.

³⁶Iopa dekenai diba tahua hahine ta ia noho, iena ladana be Tabita. Helene gado dekenai iena ladana be Doreka. Ia be kara namona bona bogahisihisi kara dekenai ia goada dina ibounai.

³⁷To unai neganai gorere ta ia davaria, ia mase. Idia ese iena tauanina idia hagoevaia, ataiai daiutu ta dekenai idia atoa.

³⁸Luda bona Iopa ena pada be daudau lasi, bona diba tahua taudia idia kamonai Petero be Luda dekenai ia noho. Inai dainai idia ese tatau rua idia siaia lao ia dekenai, idia noia, idia gwau, “Oi mai ai dekenai, oi naria lasi.”