APOSETOLO EDIA KARA 6:3-13

³Taunabunai, varavaramai e, umui na taumui hahitu avabidia hidi, haridia namodia taudia, Lauma bona aonega ai e honumu taudia; bena ina ḡaukara baia henidia.

⁴A ai ese nega idoinai ḡuriḡuri bona haroro baia goadalai.

⁵Ina hereva na iboudiai ese e abia dae, bena haida e gwauraidia hidi: Stefano, abidadama bada bona Lauma Helaḡa ese e rohea tauna; bona Filipo; bona Prokoro; bona Nikanoro; bona Timona; bona Pamena; bona Nikolao, ia na tau Antioka, Iuda tauna ai e halaoa.

⁶Unu hahituosi na idia ese aposetolo vairadiai e haginidia. Bena aposetolo na e ḡuriḡuri guna, bena imadia latadiai e ato kau.

⁷Bena Dirava ena hereva e piua rohorohova, bona Iesu ibadinana taudia Ierusalem ai e hahutumadiava; bona hahelaḡa taudia hutuma ese danu e abiabiraia.

⁸Stefano na harihari-bada ai bona siahu ai e honu, bena ia ese hoa karadia bona toa badadia taunimanima vairadiai e karava.

⁹Bena e ruhadia nege oreana edia dubu taudia haida, bona Kurene bona Alesandrea bona Kilikia bona Asia taudia haida, ese Stefano ida e hepapahuahu.

¹⁰To idia na asi siahudia bae gwaua tubu, badina be ena hereva na aonega ai bona Lauma ai e hahonua.

¹¹Una dainai idia ese haida lalodia e ani, baeto “Ai na ena hereva dikadia a kamonai, Mose bona Dirava e hadikalaidia”.

¹²Unu amo idia ese hanua taudia bona heitatao taudia bona itorena taudia e haherou-heroudia; bena ia dekena e heau lao, vada e dabaia tao, kaunsil taudia vairadiai e laohaia.

¹³Bena idia ese hahebade koikoi taudia e haginidia tore. Idia eto, Ina tau ese ina gabu helaḡana bona taravatu ihadikalaidia herevadia na se hadokomu.