Ni been ree apóstoles 6:3-13

³Zeel yanan lëjt compniar raliduladx ree Jesucrist, gol gudiil entr lojdi gajdx ree bén ragbeedi naban ziꞌc rayal, bén yuꞌ xSprijt Dios luxdoo, bén yuꞌ tëë ree xquiarguiejn, din yazuj reeman güün reeman dxiin guin.

⁴Guiáad dunujn yasnuu yarejdx yanaaban Dios, yalüü tëën xtiidxaman.

⁵Graczi reeman cwëjb ni rëb reeman, abiꞌ gulej reeman bén la Esteban, laaman rliladx Jesucrist guidib luxdooman, rniabee tëë xSprijt Dios luxdooman guidiblagaa. Gulej tëë reeman Felip, Prócoro, Nicanor, Timón, Parmenas në Nicolás bén zëëd Antioquía, nëman bililadx ni rliladx ree bén Israel chi gadaman chililadx Jesucrist.

⁶Dxel binë reeman laa reeman loj ree apóstoles guin, persi gurejdx gunab reeman Dios por laa reeman badxiib tëë yaa reeman guijc reeman.

⁷Canuu careꞌch xtiidx Dios, abiꞌ Jerusalén cayajcxhiej ree bén rliladx Jesucrist, në zien ree bixhioz Israel bililadx laaman.

⁸Dád gognë Dios Esteban badëë tëëman guialrniabee persi rüjnman zien loj milagr delant loj ree bejn.

⁹Abiꞌ bëlzi ree bén yadoo ni la Libertados në ree bén Cirene con ree bén Alejandría con ree bén niz Cilicia nëtëë ree bén zëëd niz Asia, guzuloj cadildiidxnë reeman Esteban,

¹⁰per ad gojct nadxiꞌ reeman xtiidxaman guial cayagnë xSprijt Dios laaman.

¹¹Dxel gudijx reeman bëlzi ree bejn din guiëb reeman, bacaagdiajg reeman rniee Esteban contr Dios në contr Moisejs.

¹²Zian been reeman persi bidxeꞌch ree bén luguiedx guin, në ree bengol në ree mextr rulüü ley. Dxel gunaaz reeman Esteban, binë reeman laaman loj guxtis.

¹³Gudiil tëë reeman bén basquiee ree persi rëb reeman loj ree guxtis guin: ―Ad rucwëëzt rnieeguijdx xin guie xley Moisejs në xyadoo Dios.