Aposotolo Adi Hewau 6:3-13

³Ema tataoyao e, hage tatao haligigi‐labui arimiu eai au itasipoidi, wasadi se lolo eo Earua Tabuna se monau, eo se sonoga hinage, abo ai hetorodi teina paisoa ta abo se abi.

⁴Na ai abo huia gamagari ai moseuioimai lau‐uura eo riba paisoana arinai.”

⁵Edi riba wa moutuana maudoina se ataiei, nuadi se lolo, isi abo Setepano se hineri, Eaubada tausunusunuma‐adidirina esau, eo Earua Tabuna hinage i monau, eo Pilipo, eo Porokoro, eo Nikanora, eo Timona, eo Paramena, eo Nikolao, Anetioka tauna i hemala Iudea.

⁶Tatao ta se hebawadi aposotolo matadi eai, se uurao abotai abo nimadi se toresae isi potadi eai.

⁷Eaubada ena riba i tadada lailai; tauataiena Ierusalema eai abo se gamagari ariariri; kohena tataodi se gamagari ariri isi hinage riba wa se awaabiei.

⁸Sunuma eo gigibori Setepano i monau, arinai ede heiheinoi eo noo i hetubudi tatao matadi eai.

⁹Sunago tataodi headi se toro, sunagona ne esana ede Libetino edi sunago, eo Kurene tataodi hinage, eo Alesanederea tataodi hinage, eo headi Kilikia eai se laoma, eo Asia, isi hinage maedi Setepano se haiawaeagara.

¹⁰Ia ena riba se sonoga, ma earuana i ribaei, isi bena se heuio nige abina se ata.

¹¹Isi tatao headi se hetorodi isi abo si ene, “Ai ataieyao ia i riba‐baaea, Mose eo Eaubada i ribabaaeaidi.”

¹²Tatao, eo edi babada hinage eo tauuriuri nuadi se heasiwolewoledi, abo se lau ia hesabana, se toai, se woealaei sunederi aridi eai.

¹³Tauboraborasom abo se hetorodi, si ene, “Teina tau ta eda asa tabuna ta, eo eda laugagaeo ie riba baaeaidi, nige i riba‐lautom.