تَرُشُي 6:3-13

³نَ نَن عَ رَ، ﭑ نفَشَكٍرٍنيِيٍ، وٌ شّمّ سٌلٌقٍرٍ سُفَندِ وٌ يَ مَ، مِشِ بِنيٍيٍ، شَشِلِمَيَ نُن عَلَ شَشِلِ سّنِيّنشِ نَ نَشٍيٍ بّ. مُشُ شَ يِ دٌنسٍ عِتَشُنقٍ سٌ عٍ يِ رَ،

⁴عَلَكٌ مُشُ تَن شَ نُ لُ عَلَ مَشَندِ رَ نُن عَلَ شُي كَوَندِ رَ.»

⁵نَ مَسٍنيِ نَشَ رَقَن بِرِن مَ. عٍ نَشَ عٍتِيّن سُفَندِ، شّمّ نَشَن شَ دَنشَنِيَ نُ فبٌ، عَلَ شَشِلِ سّنِيّنشِ مَن نُ فٌرٌشِ نَشَن مَ. عٍ مَن نَشَ قِلِثُ، ثِرٌكٌرُ، نِكَنٌرٌ، تِمٌن، نُن ثَرَ مٍنَسِ سُفَندِ، عَ نُن نِكٌلَسِ عَنتِيْكِكَ نَشَن سٌشِ يُوِقِيٍ شَ دِينّ يَ مَ.

⁶عٍ نَشَ عٍ دّنتّفّ شّيرَيٍ بّ. شّيرَيٍ نَشَ عٍ بّلّشّ سَ عٍ شُنيِيٍ مَ، عٍ نَشَ عَلَ مَشَندِ عٍ بّ.

⁷عَلَ شَ مَسٍنيِ نَشَ يٍنسٍن يّ. عِسَ قْشِرَبِرّيٍ شُن نُ مَسَمَ عَ فبٍفبٍ رَ دَرِ سَلَمُ. سّرّشّدُبّ وُيَشِ قَن نُ دَنشَنِيَقٍ.

⁸عَلَ نَشَ عَ شَ هِننّ نُن سّنبّ قِ عٍتِيّن مَ. عَ نُ تْنشُمَيٍ نُن كَابَنَكٌ شُنفبٍيٍ رَبَمَ حَمَ تَفِ.

⁹سِرٍنِكَيٍ نُن عَلٍسَندِرٍكَ نَشٍيٍ نُ سَلِمَ سَلِدٍ كُي، نَشَن شِلِ «شْرّيَ مِشِ شَ سَلِدٍ»، عَ نُن يُوِقِيٍ نَشٍيٍ كٍلِشِ سِلِسِ نُن عَسِ، عٍ نَشَ سْنشْ عٍتِيّن مَ.

¹⁰كْنْ عٍ مُ نْ عٍتِيّن شَ وْيّنيِ رَ، بَرِ مَ عَلَ شَشِلِ سّنِيّنشِ نَن نُ شَشِلِمَيَ قِمَ عَ مَ.

¹¹عَوَ، عٍ نَشَ شّمّ ندٍيٍ سَرٍ قِ، عٍ شَ عَ قَلَ، «مُشُ بَرَ عَ شُي مّ عَ وْيّنيِ قَلَمَ نَشَن مُ دَشَ عَننَبِ مُنسَ نُن عَلَ مَبِرِ.»

¹²عٍ نَشَ حَمَ، قٌرِيٍ، نُن سّرِيّ كَرَ مْشْيٍ كُي عِسٌ. عٍ نَشَ بَفَن عَ مَ، عٍ عَ سُشُ، عٍ عَ شَنِن يُوِقِ كِيتِسَيٍ يِرٍ.

¹³عٍ نَشَ تْوحّفّلَيٍ رَ مِنِ، نَشٍيٍ عَ قَلَ، «يِ شّمّ مُ بَمَ وْيّنيِ حَاشِيٍ قَلَقٍ هْرْ مْبَنشِ نُن عَلَ شَ سّرِيّ شَ قٍ رَ.