Föför 6:3-13

³Iei mine ämi pwii kana, oupwe filätä füman mwän me leimi mi uren Ngünmifel o fokun tipachem, pwe sipwe awisa ngeniir ei angang.

⁴Nge äm aipwe tupwöl le iotek o afalafala ewe kapasen Kot.”

⁵Iwe, unusen ewe mwich a tipeeu ngeni mine ekewe soukünö ra eäni akot. Iei mine ra filätä Stefanus, eman mwän mi fokun lükülük o uren Ngünmifel, me Filip, Prokorus, Nikanor, Timon, Parmenas me Nikolaus seni Antiokia, eman chon lükün Israel mi etiwa lamalamen chon Juta me mwan.

⁶Iwe, ra emwenala ekei mwän ren ekewe soukünö, nge ir ra iseis pöür won möküren eman me eman leir o iotek wor.

⁷Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.

⁸Iwe, Stefanus eman mwän mi uren feiöch me ren Kot, a fokun wor an tufich, pwe a föri manaman me asisil mi lapalap me lein ekewe aramas.

⁹Nge ekoch mwän ra ü ngeni Stefanus, ir chon ewe imwen felikis mi iteni “Chon Ngas”, ekoch chon Juta seni Kirene me Aleksantria ra choni ei mwich. Ir me pwal ekoch chon Juta seni ekewe fanü Silisia me Asia ra popuetä le anini ngeni Stefanus.

¹⁰Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

¹¹Iei mine ra möni ekoch mwän pwe repwe apasa, “Äm aia rongorong pwe Stefanus a eäni kapasen turunufas usun Moses me Kot!”

¹²Ren ei sokun lapalap ra amwökütükütü letipen aramas me ekewe souakom me ekewe Sensen Allük. Iwe, ra turufi Stefanus o etekinala mwen ewe mwichen soupwüng.

¹³Mürin ra emwenato ekoch mwän ar repwe apasa kapas chofona usun i. Ra üra, “Ei mwän esap ükütiu le kapasingau usun ach ei mwichefel me än Moses kewe allük.