AONEGA HEREVADIA 12:5-8

⁵Kara maoromaoro taudia edia laloa be maoromaoro, to kara dika taudia edia sisiba be mai koikoi danu.

⁶Kara dika taudia edia hereva, be taunimanima alaia totona ena hereva, to kara maoromaoro taudia edia ududia hereva ese, taunimanima idia hamauria noho.

⁷Kara dika taudia idia moru noho, bona idia boio momokani, to kara maoromaoro taudia edia ruma bese taudia, be do idia mauri noho momokani.

⁸Bema oi be mai aonega danu neganai, taunimanima ese oi do idia hanamoa, to bema oi be kavakava neganai, taunimanima ese oi do idia negea.