AONEGA HEREVADIA 12:1-7

¹Matakani ia ura henia tauna ese, aonega ia ura henia noho, to sisiba hereva dekenai idia badu taudia be kavakava.

²Tau namona be Lohiabada dekena amo, hariharibada ia abia noho, to dika karaia totona ia laloa noho tauna, be Lohiabada ese dika tauna ia gwauraia noho.

³Kara dika ese tau ta dekenai, noho namo do ia henia lasi, to kara maoromaoro taudia be idia gini goada noho.

⁴Hahine namona ese iena adavana dekenai, matauraia bona moale ia henia noho, to iena adavana dekenai hemarai ia havaraia hahine ese, iena tau ia hisihisi henia noho, turia hamanokaia gorere bamona.

⁵Kara maoromaoro taudia edia laloa be maoromaoro, to kara dika taudia edia sisiba be mai koikoi danu.

⁶Kara dika taudia edia hereva, be taunimanima alaia totona ena hereva, to kara maoromaoro taudia edia ududia hereva ese, taunimanima idia hamauria noho.

⁷Kara dika taudia idia moru noho, bona idia boio momokani, to kara maoromaoro taudia edia ruma bese taudia, be do idia mauri noho momokani.