Acts 22:3-14

³“Yauku kona Jew sebare Tarsus kamonai a tupuwa, meyaga kaikapona Cilicia kupurina kamonai. Saba Jerusalem kamonai a rakata, Gamaliel gaburinai a kiruma, tamatamata asi kairuwana i beyebeyiku ba God a bokuwaya sakiyei, nanakasike karaku komi rutainimi.

⁴Pipiya Keresiyana biyisi asi keta si bisununuri wai a patumisi ba a kasibigoyonisi, ba ku patum yovena ai garu riuvisi.

⁵Priest kaikapona ba babada sina wonimi kata bisuwona nikasike a wosei. Ba kosi karisi yai pepa a bosekwai, warewaresisi Damascus kamonai te mamana wai kairavisi ba a nae nikosi pipiya, ata patumisi ba ata veramaga ku Jerusalem wai asi saroba sita yauni.

⁶Kao basunai a botu Damascus parinai ba, mara kesana yasegana kaikapona sapamai i bokadari wai yaseganina i subibiriku.

⁷A peku ku tano ba gamo a nonori kuriku i wona, ‘Saul! Saul! Awaika kairavina ke kasikasibigoyoniku?’

⁸Ba ai toiruba, ‘Kom kotoi Bada?’ I kaobeyiku, ‘Yauku Iesu Nazareth biyina ba kom ke kasikasibaigoyoniku.’

⁹Maturaturaku yabata yasegana si kitai saba gamo i bisisiya kuriku wai kega si nonori.

¹⁰Ba ai toiruba, ‘Awaika ana wosei Bada?’ Ba i wona, ‘Ke bomsiri, ba kuna nae ku Damascus, ba namai sina wonim kata God am saibira ereonowana awaika i taunim wai kuna wosei.’

¹¹Maturaturaku nimaku si yauni, ba si naoviku ka riu ku Damascus, basuna yasegana ana kadara kaikapona wai mataku i sowasowa.

¹²Sebare kana waba Ananias i botu i kinaniku. Kona wai pipiya si bokuwayei ba kairuwana ibo sisirei ba, Jew biyisi ereonowasi namai te mamana wai, si bokuwayei.

¹³Ba i botu pariku ai i msiri ba i wona, ‘Waresiku Saul, ki kinana mena!’ Ba kona maranai ai kinana mena ba a kinani.

¹⁴Damanina ba i wona, ‘Tamatamata asi God i bineim kata ana waina kuna kuiri, ba Baibaiyawasina Kaobaisiyena kuna kitai, ba wona kawanai kuna nonori.