Acts 22:3-14

³I riwa: Tau Jew ei, Tarsus au Silisia provins a tupua wate weka au Jerusalem a rata ma a giruma. Amamata ai tarawatu a girumei ma au tauviararamana Gamaliel. A ḡoana-guratei da God ata voepaepa-kauei me taumi anatapumi nanare.

⁴Tau Iesu ana etanai tauvotaḡotaḡoina a rau-iviapoapoelei da ḡelaui iʼraḡe. Nelara ma waivine a pani ma au numa panipani a tawana-ruiei.

⁵Pirisi ḡeḡetelarana ana boru ḡeḡetelarana maiteni i aramanei da tau a ririwa kaua. Taui ai vianina pepana i vereu da ai rava au Damaskas ata verei ma a nae au Damaskas da kerisiana ata pani ma a neiai da kovoḡa ita vaia weka au Jerusalem.

⁶Aubenai Damaskas a tuḡereḡerei ma maratagogi lalaina gamrina ḡaeḡaena marei i ḡairai da i tunuiai.

⁷A peu au doa ma pona a nonori i pa, “Saul! Saul! Aiwai aubaina e rarau-iviapoapoeleu?”

⁸Tau a paribelei, “Bada tam aiai?” Tauna i paribelei, “Iesu Nasaretei e rarau-iviapoapoelei.”

⁹Rava maiteni a nenae lalalaina i ʼnanai wate babani eḡa ita nonori.

¹⁰A paridadana a pa, “Bada Aiwai ana kauei?” Ma Tauna i riwa i pa, “Ma vomairi ma nae au Damaskas. Kampa rava am nola ina pariverem.”

¹¹Lalalaina gamrina i rata guratana ma matau i kamoi da eḡa ata inainana. Ma tauvigwanigwaniana au urai i voa ma i naieu au Damaskas.

¹²Oroto wavana Ananias kampa i mae tauna God i voepaepai ma ana tarawatu i vovojijina-nonoei. Mai Jew tauna i vivirana-kauei.

¹³I nei da au ririvau i mairi ma i riwa, “Vareiu Saul ma inana me!” Nai marana a inana me.

¹⁴Anina ma i riwa, “Amamata ai God i rautanim, da ana ḡoana ma aramanei, ana Taunola Jijimanina - matamei ma inanai, ma riwana taniḡamei ma nonori.