تَرُشُي 22:3-14

³«يُوِقِ نَن ﭑ نَ، ﭑ بَرِشِ تَرِ سٍ نّ، سِلِسِ بْشِ مَ، كْنْ ﭑ مْشِ بٍ نّ. فَمَلِيّلِ نَشَ ﭑ شَرَن عَلَكٌ ﭑ شَ بِرَ وٌن بَبَيٍ شَ سّرِيّ قْشْ رَ. عَلَ شَ قٍ نُ ﭑ بْحّ سُشُمَ عَلْ عَ وٌ قَن سُشُمَ كِ نَشّ تٌ.

⁴ﭑ مِشِيٍ تْورْ نّ هَن ﭑ نَشَ عٍ قَشَ، نَشٍيٍ نُ بِرَشِ عِسَ شَ كِرَ قْشْ رَ. ﭑ نَشَ فِنّيٍ نُن شّمّيٍ سُشُ، ﭑ نَشَ عٍ سَ فٍيلِ كُي.

⁵سّرّشّدُبّ كُنتِفِ نُن دِينّ قٌرِيٍ بِرِن نَ ﭑ سٍيدٍيٍ رَ. عٍ نَشَ كّيدِيٍ سٌ ﭑ يِ رَ كَتَرَبِ عٍ نفَشَكٍرٍنيِيٍ مَ دَ مَسِ عَلَكٌ ﭑ نَ دَنشَنِيَتْييٍ تٌ، ﭑ شَ عٍ شِرِ، ﭑ شَ قَ عٍ رَ دَرِ سَلَمُ، ﭑ شَ عٍ حَشَنكَتَ.»

⁶«ﭑ تٌ مَكْرّ دَ مَسِ رَ يَنيِ تَفِ، يَنبّ شُنفبٍ نَشَ فٌرٌ ﭑ مَ كٍلِقٍ كٌورٍ مَ.

⁷ﭑ نَشَ بِرَ بْشِ. ﭑ نَشَ شُي مّ نَشَن نُ عَ قَلَمَ ﭑ بّ، ‹سْلُ، سْلُ، مُنقٍ رَ عِ ﭑ حَشَنكَتَمَ؟›

⁸ﭑ نَشَ عَ يَابِ، ‹ندٍ عِ رَ، مَرِفِ؟› عَ نَشَ ﭑ يَابِ، ‹عِسَ نَسَرّتِكَ نَن ﭑ نَ، عِ نَشَن حَشَنكَتَقٍ.›

⁹نَشٍيٍ نُ نَ ﭑ قْشْ رَ، عٍ نَشَ يَنبّ تٌ، كْنْ نَشَن نُ وْيّنقٍ، عٍ مُ نَ تَن شُي مّ. عَوَ، ﭑ نَشَ عَ قَلَ،

¹⁰‹ﭑ شَ مُنسٍ رَبَ، مَرِفِ؟› مَرِفِ نَشَ عَ قَلَ ﭑ بّ، ‹كٍلِ، عِ سِفَ دَ مَسِ. مّننِ عَ قَمَ قَلَدٍ عِ بّ عِ لَن عِ شَ نَشَن نَبَ.›

¹¹ﭑ مُ نُ سٍ تٌمَ نَ يَنبّ شَ نَءِيَلَنيِ سَابُي رَ. نَشٍيٍ نُ نَ ﭑ قْشْ رَ، عٍ نَشَ ﭑ بّلّشّ رَ سُشُ هَن دَ مَسِ.»

¹²«عَوَ، شّمّ ندٍ نَشَن شِلِ عَنَنِيَسِ، مِشِ تِنشِنشِ نَ عَ رَ عَلَ شَ سّرِيّ كِ مَ، نَشَن نَقَنشِ دَ مَسِ يُوِقِيٍ مَ،

¹³عَ نَشَ قَ ﭑ يِرٍ. عَ نَشَ عَ قَلَ، ‹ﭑ نفَشَكٍرٍنيِ سْلُ، تٌ تِ.› ﭑ يَ نَشَ رَبِ كٍرٍن نَ، ﭑ نَشَ سٍ بِرِن تٌ.

¹⁴عَ نَشَ عَ قَلَ، ‹وٌن بَبَيٍ مَرِفِ عَلَ بَرَ عِ سُفَندِ عِ شَ عَ سَفٌ كٌلٌن، عِ شَ تِنشِنتْي تٌ، نُن عِ شَ عَ وْيّنيِ مّ عَ تَن يَتِ دّ رَ،