1 Thusimbu 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹David in asepai sangkhatchung a lamkai hole jakhat chung a lamkai ho chu thu adong toh soh kei in ahi.

²Chuin aman Israel mite jouse kom a chun hitin asei e, “Nangho le Pakai Pathen lunglam ahile Israel mite chenna jouse a Thempu ho le levi mite jaona a ibon chaova iki- khop khom soh theina diu vin thu lhangsap na nei u hite,” ati.

³Saul lengvai poh lai in Pathen kitepna thingkong chu nahsah mon ana umjong le tuhi anung lahphat tah chu ahi.

⁴Akihoukhom mipi jousen hichu pha asah utoh kilhon in abon chaovin boldin kinopto na anei taove.

⁵Hitichun Davidin Pathen thingkong chu nung put lut kit na ding in Kiriath Jeriam mun a kon in muntin a Israel mite aumnao Egypt lhanglam gam shehor vadung a pat chule sahlam gam Lebohamath khopi vel dung a kon abon uva ahung kikhop khom nadiu vin kouna anei in ahi.

⁶Pathen thingkong nunglah kit nading in David le Israel mite chun Judah gam Baalah Kiriath jeriam tia jong kikou mun a chun ana cheu vin ahi.

⁷Chuin amahon Pathen thingkongchu Abinadab insung a kon in ahinla doh un bongkang thah leh a akoiuve. Chule hiche bongkang chu Uzzah le Ahio tenin ahin tol lhon in ahi.

⁸Hichun David le Israel mipitechun Pathen ang ah kipah lethanom tah in la asauvin, selangdahle semjang asaiyun, khongle dahchule kipa khutbeh toh thon sakipengkul ana mut uvin ahi.

⁹Ahivang in amahon Naconchangphol lai ahin phah u chunbongchal chu ahung kipal lhun Uzzah in Pathen thingkong chu tuhding in akhut ana lhang in ahi.

¹⁰Uzzah in Pathen thingkongchung a akhut ajah a pat in achunga Pakai lunghan na ana chutan hijehchun Pathen in Uzzah adeng in amaangsung aana thiden tan ahi.

¹¹Pakai in Uzzah chung a alunghanna aphon jal jeh chun David jonganalung nalheh jeng in ahi. Hijehchun David in hilai mun chu Perez-Uzzah asah in ahi, hichu Uzzahkisuh gep namun tin tuni gei in akikou in ahi.

¹²Chule David kicha tah a aumphatchun Pathen adong in aseitai. Pathen thing kong chu eti keimankaga nunglah kit a kakom a kakoingam ding ham ati.

¹³Hijeh chun David injong Pathenthingkong chu David khopia poh lut joh sangin Gath mipa Obed- edom insung a analhut jotan ahi.

¹⁴Hiti chun Pathen thingkong chu lhathum Obed-edom insung a ana umden in hiche sung chun Pakai in Obed-edom insung mite chu anatoh nalam cheh uva phatthei anaboh in ahi.