1. Kraľengero 8:2-9

²Savore murša andral o Izrael pes zgele ko kraľis Šalamun, sar sas o inepos andro eftato čhon Etanim.

³Sar avle savore vodci andral o Izrael, o rašaja hazdle le RAJESKERI Archa upre

⁴a preľigende la; o rašaja the o Leviti ľidžanas o Sentno Stanos the savore sentne veci, so sas andro Stanos.

⁵O Šalamun the savore Izraelike manuša, save pes ode zgele, obetinenas angle Archa ajci but bakren the gurumňen, hoj pes aňi na delas te zgenel.

⁶O rašaja ľigende e RAJESKERI Zmluvakeri Archa pro paluno than andro Chramos, pro Neksentneder Than a thode la tel o cherubengere kridli.

⁷Lengere kridli sas rozcirdle upral o than, kaj e Archa sas thoďi, a garude la the o dručki, savenca ľidžanas e Archa.

⁸O dručki sas ajse džinďarde, hoj lengere agora dičholas andral o Sentno Than, ale avral len na dičholas. Ode hine dži adadžives.

⁹Andre Archa sas ča o duj barune tabli, pre save sas pisimen o deš prikazaňja, so ode thoďa o Mojžiš akor, sar o RAJ phandľa e zmluva le Izraelitenca pro verchos Choreb, sar avle avri andral o Egipt.