Kiŋ 1 8:2-9

²Gêdêŋ ajôŋ kêtu 7ŋa ŋaê Etanim ŋacwaga Israelŋa samob sêkac tauŋ sa dêdêŋ kiŋ Salomo jasêlic ombec.

³Gêdêŋ taŋ gejobwaga Israelŋa samob sêô lasê su naŋ, dabuŋwaga sêôc poac ŋakatapa sa.

⁴Dabuŋwaga to lau Lewi sêbalaŋ Apômtaunê poac ŋakatapa to becobo takac saŋa ma laclu samob, taŋ gêc becobo ŋalêlôm naŋ, sêpi sêja.

⁵Ma kiŋ Salomo to gôlôac Israelŋa samob, taŋ sêkac tauŋ sa dêdêŋ eŋ naŋ, sêkô poac ŋakatapa nêmŋa ma sêkêŋ bulimakao to domba kêtu da. Teŋ kêtôm gebe êsa bulimakao to domba nêŋ namba sa atom.

⁶Go dabuŋwaga sêkôc Apômtaunê poac ŋakatapa sêja lôm dabuŋ ŋaGamêŋ Dabuŋanô tau ma tetoc kakô kerubnêŋ magê ŋalabu.

⁷Kerub sêlam nêŋ magê kêpi poac ŋakatapa ŋamala kêtôm sêjam ajuŋ poac ŋakatapa to ta.

⁸Ma ta tau kêsa baliŋ sêlic ŋatêpôê aŋga Gamêŋ Dabuŋ, taŋ gêc Gamêŋ Dabuŋanô tau ŋanêmŋa naŋ, mago sêlic aŋga awêŋa atom. Ma ta tau sêc tonaŋ e gêdêŋ galoc.

⁹Gêŋ teŋ kêsêp poac ŋakatapa ŋalêlôm atom, poc tapa luagêcgeŋ, taŋ Mose kêkêŋ kêsêp aŋga lôc Horeb naŋ. Aŋga tônê Apômtau kêmoatiŋ poac gêwiŋ lau Israel gêdêŋ taŋ êsêac sêsa aŋga gamêŋ Aiguptu sêmêŋ naŋ.