ܥܒ݂ܪ̈ܝܐ 5

1

2

3

4

5

6

7

8

9

10

11

12

13

¹ܟܠܔ ܓܘܼܪܵܐ ܕܟܵܗ̈ܢܹܐ ܕܝܼܠܹܗ ܦܝܼܫܵܐ ܓܘܼܒܝܵܐ ܡ̣ܢ ܒܢܲܝ̈ܢܵܫܵܐ، ܦܝܼܫܵܐ ܝܠܹܗ ܪܫܝܼܡܵܐ ܡ̣ܢ ܓܹܒܵܐ ܕܒܢܲܝ̈ܢܵܫܵܐ ܕܦܵܠܹܚ ܠܡܸܢܕܝܼܵܢܹ̈ܐ ܕܝܼܢܵܐ ܕܐܲܠܵܗܵܐ، ܕܡܲܩܪܸܒ݂ ܩܘܼܪ̈ܒܵܢܹܐ ܘܕܸܒ݂ܚܹ̈ܐ ܡ̣ܢ ܓܹܒܵܐ ܕܚܛܝܼܵܬܹ̈‌ܐ،

²ܗܵܕܟ݂ܵܐ ܗ̇ܘ ܟܹܐ ܡܵܨܹܐ ܗܵܘܹܐ ܡܪܲܚܡܵܢܵܐ ܠܐܵܢܝܼ ܕܠܹܐ ܝܵܕܥܝܼ ܘܒܸܚܠܵܛܵܐ ܝܢܵܐ ܒܐܘܼܪ̈ܚܵܬܹ‌ܐ، ܣܵܒܵܒ ܐܘܼܦ ܗ̇ܘ ܒܓܵܢܹܗ ܟܪܝܼܟ݂ܵܐ ܝܠܹܗ ܒܙܲܒܘܼܢܘܼܬܵ‌ܐ.

³ܒܘܼܬ ܐܵܗܵܐ ܘܵܠܹܐ ܝܠܵܗ̇ ܕܡܲܩܪܸܒ݂ ܕܸܒ݂ܚܹ̈ܐ ܠܵܐ ܐܲܚܟ̰ܝܼ ܒܘܼܬ ܚܛܝܼܵܬܹ̈‌ܐ ܕܓܵܢܹܗ، ܐܝܼܢܵܐ ܐܘܼܦ ܒܘܼܬ ܚܛܝܼܵܬܹ̈‌ܐ ܕܛܵܝܸܦܵܐ.

⁴ܘܗܸܟ̃ ܐܢܵܫܵܐ ܠܹܐ ܫܵܩܹܠܔ ܠܹܗ ܐܵܗܵܐ ܐܝܼܩܵܪܵܐ ܩܵܐ ܓܵܢܹܗ، ܐܸܠܵܐ ܦܵܐܹܫ ܓܘܼܒܝܵܐ ܒܝܲܕ ܐܲܠܵܗܵܐ، ܕܵܐܟ݂ܝܼ ܕܝܼܗܘܵܐ ܐܲܗܪܘܿܢ.

⁵ܗܵܕܟ݂ܵܐ ܐܘܼܦ ܡܫܝܼܚܵܐ ܠܵܐ ܫܩܝܼܠܔ ܠܹܗ ܚܸܩܪܵܐ ܩܵܐ ܓܵܢܹܗ ܕܗܘܹܐ ܠܹܗ ܓܘܼܪܵܐ ܕܟܵܗ̈ܢܹܐ، ܐܸܠܵܐ ܐܲܠܵܗܵܐ ܐܡܝܼܪܹܗ ܐܸܠܹܗ: ܒܪܘܿܢܝܼ ܝܘܸܬ ܐܲܢ݇ܬ، ܐܵܢܵܐ ܐܸܕܝܘܿܡ ܩܵܡ ܡܲܠܸܕܸܢܘܼܟ݂.

⁶ܕܵܐܟ݂ܝܼ ܒܚܕܵܐ ܕܘܼܟܵܐ ܐܚܹܪܬܵ‌ܐ ܐܡܝܼܪܹܗ: ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ، ܒܣܸܕܪܵܐ ܕܡܲܠܟܝܼܙܕܸܩ.

⁷ܐܝܼܡܲܢ ܕܝܼܗܘܵܐ ܒܦܲܓ݂ܪܵܐ ܐܲܪܥܵܢܵܝܵܐ، ܡܫܝܼܚܵܐ ܡܘܼܩܪܸܒ݂ ܠܹܗ ܒܵܥܘܼܝܵܬܹ̈‌ܐ ܘܦܲܪ̈ܦܲܠܝܵܬܹ‌ܐ ܒܡܲܩܘܲܚܝܵܬܹ̈‌ܐ ܚܲܝܠܵܢܹ̈ܐ ܘܒܕܸܡ̈ܥܹܐ ܠܗ̇ܘ ܕܟܹܐ ܡܵܨܹܐ ܗܘܵܐ ܕܦܲܪܸܩ ܗܘܵܐ ܠܹܗ ܡ̣ܢ ܡܵܘܬܵ‌ܐ، ܘܦܝܼܫ ܠܹܗ ܫܡܝܼܥܵܐ ܣܵܒܵܒ ܫܠܝܼܡ ܠܹܗ ܠܐܲܠܵܗܵܐ.

⁸ܘܐܘܼܦ ܐܸܢ ܕܒܪܘܿܢܵܐ ܝܗܘܵܐ، ܐܝܼܢܵܐ ܝܠܝܼܦ ܠܹܗ ܡܲܨܝܲܬܬܵ‌ܐ ܡ̣ܢ ܡܸܢܕܝܼܵܢܹ̈ܐ ܕܩܘܼܒܸܠܔ ܠܹܗ ܚܲܫܵܐ ܒܝܼܵܝܗ‌ܝ؛

⁹ܘܣܵܒܵܒ ܦܝܼܫ ܠܹܗ ܡܘܼܟܡܸܠܵܐ، ܗܘܹܐ ܠܹܗ ܥܸܠܬܵ‌ܐ ܕܦܘܼܪܩܵܢܵܐ ܠܥܵܠܲܡ ܠܟܠܵܝܗ‌ܝ ܐܵܢܝܼ ܕܫܵܠܡܝܼ ܐܸܠܹܗ،

¹⁰ܘܦܝܼܫ ܠܹܗ ܪܫܝܼܡܵܐ ܓܘܼܪܵܐ ܕܟܵܗ̈ܢܹܐ ܒܐܲܠܵܗܵܐ ܒܣܸܕܪܵܐ ܕܡܲܠܟܝܼܙܕܸܩ.

¹¹ܐܝܼܬ ܠܲܢ ܪܵܒܵܐ ܠܗܲܡܙܘܼܡܹܐ ܒܘܼܬ ܐܵܗܵܐ، ܐܝܼܢܵܐ ܥܲܣܩܵܐ ܝܠܵܗ̇ ܠܦܲܫܘܼܩܹܐ ܣܵܒܵܒ ܝܲܩܘܼܪܹ̈ܐ ܝܬܘܿܢ ܒܫܡܵܥܬܵ‌ܐ.

¹²ܣܵܒܵܒ ܐܵܦܸܢ ܘܵܠܹܐ ܝܗܘܵܐ ܒܐܵܗܵܐ ܥܕܵܢܵܐ ܕܗܵܘܹܝܬܘܿܢ ܗܘܵܘ ܡܲܠܦܵܢܹ̈ܐ، ܐܝܼܢܵܐ ܗܸܫ ܣܢܝܼܩܹܐ ܝܬܘܿܢ ܠܚܲܕ ܐܚܹܪܢܵܐ ܕܡܲܠܸܦ ܠܵܘܟ݂ܘܿܢ ܐܸܣܛܘܼܟ݂ܣܹ̈ܐ ܕܫܘܼܪܵܝܵܐ ܕܗܹܡܸܙܡܵܢܹ̈ܐ ܕܐܲܠܵܗܵܐ. ܣܢܝܼܩܹܐ ܝܬܘܿܢ ܠܚܲܠܒ݂ܵܐ، ܠܵܐ ܠܡܹܐܟ݂ܘܼܠܬܵ‌ܐ ܩܘܝܼܬܵ‌ܐ.

¹³ܣܵܒܵܒ ܟܠܔ ܡ̇ܢ ܕܚܵܝܹܐ ܒܚܲܠܒ݂ܵܐ، ܗܸܫ ܝܵܠܵܕ݇ܐ ܙܥܘܿܪܵܐ ܝܠܹܗ، ܘܠܲܝܬ ܠܹܗ ܢܸܣܝܵܢܵܐ ܒܗܹܡܸܙܡܵܢ ܕܙܲܕܝܼܩܘܼܬܵ‌ܐ.

¹⁴ܐܝܼܢܵܐ ܡܹܐܟ݂ܘܼܠܬܵ‌ܐ ܩܘܝܼܬܵ‌ܐ ܩܵܐ ܐܢܵܫܹ̈ܐ ܓܘܼܪܹ̈ܐ ܝܠܵܗ̇، ܐܵܢܝܼ ܕܡܲܦܠܸܚܝܼ ܪܹ̈ܓ݂ܫܵܝܗ‌ܝ ܠܸܦܪܵܫܵܐ ܒܹܝܠܔ ܛܵܒ݂ܬܵ‌ܐ ܘܒܝܼܫܬܵ‌ܐ.