يٌسُوٍ 9:8-24

⁸عٍ نَشَ يٌسُوٍ يَابِ، «عِ شَ كٌنيِيٍ نَن لَنشِ مُشُ مَ.» يٌسُوٍ نَشَ عٍ مَشْرِن، «ندٍ نَ وٌ تَن نَ؟ وٌ كٍلِشِ مِندٍن؟»

⁹عٍ نَشَ يٌسُوٍ يَابِ، «عِ شَ كٌنيِيٍ كٍلِشِ بْشِ مَكُيٍ نَن مَ عِ مَرِفِ عَلَتَلَ شِلِ شَ قٍ رَ، بَرِ مَ مُشُ بَرَ عَ شَ قٍ عِقَلّ مّ، عَ نَشَن نَبَشِ مِسِرَ،

¹⁰عَ نُن عَ قٍ نَشَن بِرِن نَبَشِ عَمٌرِكَيٍ شَ مَنفّ قِرِنيِيٍ رَ يُرُدّن نَاكِرِ مَ، شّسِبْن مَنفّ سِشْن، نُن بَسَن مَنفّ عٌفٌ، نَشَن نُ سَبَتِشِ عَسَتَرٌتِ.»

¹¹«مُشُ شَ قٌرِيٍ نُن بْشِ مِشِ بِرِن عَ قَلَشِ نّ مُشُ بّ، ‹وٌ وٌ قَندّ تٌنفٌ وٌ نَشَن دٌنمَ كِرَ شْن مَ. وٌ شَ سِفَ عِسِرَيِلَكَيٍ رَلَن، وٌ شَ عَ قَلَ عٍ بّ وٌ شَ كٌنيِيٍ نَن مُشُ رَ.› يَكْسِ، وٌن شَ سَاتّ تٌنفٌ وٌن بٌورٍ بّ.

¹²وٌ بَرَ مُشُ شَ تَامِيٍ تٌ؟ مُشُ تٌ كٍلِ مُشُ شْنيِ، تَامِ قَنيِ نَ نُ عَ رَ، كْنْ يَكْسِ عَ بِرِن بَرَ شَرَ.

¹³مُشُ شَ وّنِ سَسٍ نّينّيٍ نُ رَقٍشِ وّنِ قَنيِ رَ، كْنْ يَكْسِ نَ بِرِن بَرَ حْن، وّنِ سَسٍيٍ بَرَ بْو. وٌ مُشُ شَ دٌنمَيٍ مَتٌ، عَ نُن مُشُ شَ سَنكِرِيٍ. عٍ بِرِن بَرَ كَنَ يِ كِرَ شَ مَكُيٍ بّ.»

¹⁴عِسِرَيِلَكَيٍ نَشَ نَ بِرِن مَتٌ، كْنْ عٍ مُ عَلَتَلَ مَشْرِن شَ عَ قِندِشِ نْندِ نَن نَ.

¹⁵نَ كُي يٌسُوٍ نَشَ لَنيِ شِرِ عٍ تَفِ عٍ شَ سِمَيَ مَكَنتَقٍ رَ. مَرَكَلِ نَشَ لُ عٍ تَفِ.

¹⁶شِ سَشَن تٌ دَنفِ نَ سَاتّ شِرِقٍ رَ، عِسِرَيِلَكَيٍ نَشَ عَ كٌلٌن عَ عٍ دْشْبٌورٍيٍ نَن لَنشِ عٍ مَ.

¹⁷نَ لْشْي عِسِرَيِلَكَيٍ نَشَ سِفَ، عٍ سَ سٌ عٍ شَ تَايٍ كُي، نَشَن قِندِشِ فَبَيٌن، كٍقِرَ، بٍيرٌتِ، نُن كِرِيَتِ يٍيَرِ مِ.

¹⁸عِسِرَيِلَكَيٍ مُ عٍ قَشَ سَاتّ شَ قٍ مَ، بْشِ يَرٍرَتِيٍ نَشَن تٌنفٌ فَبَيٌنكَيٍ بّ عِسِرَيِلَ مَرِفِ عَلَتَلَ شِلِ رَ، كْنْ حَمَ بِرِن نَشَ شُرُتُشُرُتُ عٍ شَ يَرٍرَتِيٍ مَ.

¹⁹مَنفّيٍ نَشَ عَ قَلَ حَمَ بّ، «مُشُ تَن نَن مُشُ كَلِشِ عٍ بّ عِسِرَيِلَ مَرِفِ عَلَتَلَ شِلِ رَ. وٌن مُ نْمَ وٌن بّلّشّ دِندٍ عٍ رَ.

²⁰يَكْسِ وٌن عٍ شَ قٍ سُشُمَ يِ كِ نّ. وٌن عٍ لُمَ عٍ سِ نَن نَ عَلَكٌ وٌن نَشَ عَلَتَلَ رَشْنْ مَرَكَلِ كَنَقٍ رَ.

²¹وٌن نَشَ عٍ قَشَ، كْنْ وٌن شَ عٍ رَوَلِ وُرِ سّفّقٍ نُن يٍ بَقٍ رَ حَمَ بِرِن بّ.» نَ كُي عِسِرَيِلَ يَرٍرَتِيٍ شَ سَاتّ مُ كَنَمَ.

²²يٌسُوٍ نَشَ عٍ شِلِ، عَ وْيّن عٍ بّ، «مُنقٍ رَ وٌ مُشُ يَنقَشِ، وٌ عَ قَلَ مُشُ بّ، عَ وٌ سَبَتِشِ يِرٍ مَكُيٍ نّ، عَ قَ سَ عَ لِ، وٌ سَبَتِشِ مُشُ سّيتِ نَن مَ؟

²³نَ كُي وٌ بَرَ دَنكّ سْتْ، وٌ بَرَ قِندِ مُشُ شَ كٌنيِيٍ رَ. وُرِ سّفّقٍ نُن يٍ بَقٍ وَلِ لُمَ وٌ تَن نَن شُن مَ مُشُ مَرِفِ عَلَ شَ حَمَ بّ عَبَدَن.»

²⁴عٍ نَشَ يٌسُوٍ يَابِ، «مُشُ بَرَ عَ مّ، عِ مَرِفِ عَلَتَلَ عَ قَلَ نّ عَ شَ كٌنيِ مُنسَ بّ، عَ شَ يِ بْشِ بِرِن سٌ وٌ يِ رَ، عَ شَ بٍكَيٍ سْنتْ وٌ يَ شْرِ. وٌ شَ قَ بَرَ فَاشُي فبٍفبٍ لُ مُشُ مَ مُشُ نِي شَ قٍ رَ. نَ نَن عَ تٌشِ مُشُ بَرَ وٌ يَنقَ.