لُكِ 1:3-11

³نَ كُي، ﭑ قَن تٌ بَرَ نَ قٍ بِرِن مَتٌ كِ قَنيِ نَشٍيٍ رَبَشِ كَبِ عَ قْلّ، ﭑ بَرَ عَ مَحْشُن قٍ قَنيِ رَ، ﭑ شَ عَ بِرِن سّبّ عِ بّ، ﭑ بَ تٍيٌقِلٌ.

⁴ﭑ يِ رَبَشِ نّ، عَلَكٌ عِ شَ عَ كٌلٌن، عَ عِ شَرَنشِ نَشَن نَ، عَ قِندِشِ نْندِ نَن يَتِ رَ.

⁵يُدَيَ مَنفّ هٍرٌدٍ شَ وَشَتِ، سّرّشّدُبّ ندٍ نُ نَ نَشَن شِلِ سَكَرِ. عَ نُ نَ عَبِيَ شَ سّرّشّدُبّ لَنشُندّ نَن كُي. عَ شَ فِنّ عٍلِسَبّتِ قَن كٍلِشِ هَرُنَ بْنسْي نّ.

⁶عٍ قِرِن بِرِن نُ تِنشِن عَلَ يَ عِ. عٍ نُ حّرّ مَ عَلَ شَ سّرِيّ نُن يَامَرِ بِرِن مَ سّنِيّنيِ كُي.

⁷دِ يٌ مُ نُ نَ عٍ يِ رَ بَرِ مَ عٍلِسَبّتِ مُ نُ نْمَ دِ بَرِدٍ، عٍ قِرِن بِرِن مَن نُ بَرَ قٌرِ.

⁸سَكَرِ شَ لَنشُندّ وَلِ تّمُي تٌ عَ لِ، عَ نَشَ سّرّشّدُبّ وَلِيٍ سُشُ عَلَ يَ عِ.

⁹عَلْ سّرّشّدُبّيٍ نُ دَرِشِ عَ رَ كِ نَشّ، سَكَرِ بٌورٍيٍ نُ بَرَ عَ سُفَندِ عَلَ شَ مَلِ رَ، عَ تَن نَن شَ سٌ هْرْ مْبَنشِ كُي سُرَيِ فَندٍ عَلَ يَ عِ.

¹⁰سُرَيِ فَن تّمُي، حَمَ بِرِن نُ نَ سَلِقٍ تَندٍ.

¹¹نَ تّمُي، مَرِفِ شَ مَلٍكّ ندٍ نَشَ مِنِ سَكَرِ مَ سُرَيِ سّرّشّبَدٍ يِرٍقَنيِ مَ.