Luk 1:3-11

³Ŋunde ŋuro, uni parámine Teopilus, no ŋuya sowo mande ŋu hurí taró qu noŋgo okeyá ta nakayáŋoro rewe keno maheweya, ye iŋanowó.

⁴Ŋunde tewe, keto o soso iŋaró ŋuko hamó naŋge, ye iŋoweya.

⁵Asa Herot, Judia mira koro wiri yerete uni ŋu, yoníqo, o qa-qa uni ka owí muko Sekaraia yora. Eneŋo o qa-qa unindoro kho winiyó ŋuko Apiya koro wini ŋu. Parí muko Aron koro sowe qu, owí muko Elisapet.

⁶Yereka irisa ŋuko Anutu toŋímo roneneŋowí yariyó, Uni Parámimboro mande kondé ŋuya ore mande ŋu soso okeyá ta howeyari.

⁷Quko simóyari moré kini, dokoro Elisapet ŋu kusimi yora. Ko yereka ŋu koŋgomu tariyó.

⁸Naru kano eneŋo o qa-qa unindoro kho winiyómboro naruye tunoqaró quno Sekaraiako Anutu toŋímo kho taró.

⁹Ŋu naruko ŋuno topé-topémbo muríye howero ene rokóŋoyi o nuŋgurí meté mu qawero quro Uni Parámimboro Ya Surumímo oró.

¹⁰O qa-qa ŋu tewero naruyómo ŋuno oníqo, unipare qambu ŋundo Ya kimbino koporo hariri teyaŋgurí.

¹¹Asa Uni Parámimboro sambo simó kato Sekaraiako tunoqero o qa-qa nuŋgurímboro wondo yakutí kandí kondéwore ŋuno kaŋaró.