Luk 1:3-11

³I mo ra iau kai, a sa tikin pas a kum utna ri tagun a turturkibino, ra a nuki lena, i wakak ra an tumus tari torom ui, o Tiopilus a labino. Ra a tumus a kum utna ri, a tumus murmuri ut a inawan pat indet,

⁴sur un tasmani lena, a kum utna ra di sa ususer tar ui nami, i lingmulus ut.

⁵Una kilalo ra o Erod i king una papor Judia, ara tene etabor torom o God a risano o Sekaraia. I ara tagun a kabotaro anun o Abia, ra det rop a kum tene etabor. O Sekaraia, anun a ino a risano o Elisabet, der rop tagun a kabotaro anun o Aron.

⁶Der aru tene tokodos umatan o God, der mur wakak a kum Warkurai rop anun a Labino.

⁷Ikut katu nutunder, uni o Elisabet ke ser usus, ma der sa takano laulau kai.

⁸Ara bung una kum bung na etabor anun a kabotaro anun o Sekaraia, o Sekaraia ut i pam a pinapam na etabor umatan o God.

⁹A kum tene etabor torom o God det pilok pas o Sekaraia sur i ut in ruk una rumu na etabor anun a Labino, ma in tun a paura ra a misino i sangnain wakak ra di watungi nama insens. Anundet a pipilok ra, i elar nama ngasino ra det ser muri.

¹⁰Una du bung ra i tun a insens, a taro na lotu rop ra det tur tomo nago upiso det wararing.

¹¹A ensel anun a Labino i wanpat torom o Sekaraia, ra i tur taru una papor sot na kabulu na tuntun etabor, ra di ser tun a utna ra i sangsangnain wakak uni.